Национален парк Маунт Аспајринг

Национален парк Маунт Аспајринг (англиски: Mount Aspiring National Park) — национален парк на Јужните Алпи, на Јужниот Остров,Нов Зеланд, северно од националниот парк Фјордленд, и помеѓу Отаго и јужен Вестленд.

Национален парк Маунт Аспајринг Mount Aspiring National Park
МСЗП — Категорија II (национален парк)
Карта на Нов Зеланд
Најблизок град	Ванака
Површина	3555 км2
Воспоставен(а)	1964
Управно тело	Служба за заштита на природата

Западната долина на реката Матукитуки гледана од местото Каскадно Седло

Основан е во 1964 г. како 10-ти национален парк во земјата. Паркот зафаќа површина од 3.555 км² при јужниот крај на Јужните Алпи, веднаш западно од езерото Ванака, и е мошне популарно место за планинарење, шетање и алпинизам. Паркот го носи името на локалната планина Аспајринг/Тититеја (3.033 м). Други поважни планини и врвови во паркот се Полукс (2.542 м) и Брустер (2.519 м).

На североисточниот агол од паркот се наоѓа Хастовиот Превој, една од трите важни патишта преку Јужните Алпи.

Паркот е дел од областа Те Вахипоунаму, прогласена за светско наследство на УНЕСКО.

Најпопуларни планинарски патеки се:

• кружната патека Гилеспи Пас
• Долината Матукитуки
• Рутбернската патека
• кружната патека Рис-Дарт

Овие планинарски патеки привлекуваат многубројни странски туристи, но и домашни посетители. Некои од нив се особено прочуени заради чудесните алпски и субалпски предели низ кои минуваат.

Надворешни врски

• Информации за националниот парк Маунт Аспајринг - Служба за заштита на природата на Нов Зеланд (англиски)