Музеј Роден (Париз)
Музејот Роден во Париз е музеј отворен во 1919 година и посветен на делата на францускиот вајар Огист Роден. Тој има две локации: Хотел Бирон и околните делови во централен Париз и надвор од Париз во куќата на Огист Роден, Вилата де Бријан во Медон (О-де-Сен). Колекцијата вклучува 6.600 скулптури, 8.000 цртежи, 8.000 стари фотографии, и 7.000 уметнички предмети. Музејот го посетуваат 700.000 посетители на годишно ниво[1].
 | |
| Грешка во Lua во Модул:Location_map, ред 526: Unable to find the specified location map definition: "Module:Location map/data/Paris" does not exist | |
 | |
| Основан | 1919 |
|---|---|
| Место | Hôtel Biron, 79, rue de Varenne, 75007 Paris, France |
| Координати | 48°51′19″N 2°18′57″E / 48.855278° СГШ; 2.315833° ИГД |
| Посетеност | околу 700.000 годишно |
| Јавен превоз | Варен   Инвалиди   |
| Мреж. место | http://www.musee-rodin.fr/ |
Додека живеел во Вилата де Бријан, Роден од 1908 го користел хотелот Бирон како негова работилница, а подоцна ја донирал целата своја колекција скулптури (заедно со слики од Винсент ван Гог, Клод Моне и Пјер-Огист Реноар коишто ги поседувал)[2] на француската држава под услов зградите во коишто творел да се претворат во музеј посветен на неговите дела.
Музејот Роден ги содржи повеќето значајни дела на Огист Роден вклучително Мислителот, Бакнеж и Портата на пеколот. Многу од неговите скулптури се истакнати во музејската голема градина. Музејот вклучува соба посветена на делата на Камиј Клодел која била негова ученичка и љубовница[2].
Музејот е еден од најдостапните музеи во Париз. Тој се наоѓа во близина на метро станицата Варен, во централното подрачје и влезницата е по многу разумна цена. Градините околу музејот содржат многу од познатите скулптури во природни поставки. Зад музејот има мало езеро и ресторан.
Дополнително, на платформата на метрото станицата Варен, се истакнати некои од скулптурите на Огист Роден.[3]
Постојана колекција
уреди
Скулптури
уредиРоденовите скулптури се дело на уметник кој избрал да им пркоси на нормите на своето време. Меѓу делата на неговата младост, Човек со скршен нос кое е со современи естетски норми, додека Бронзено доба ги отфрла современите механизми на физичката експресија. Ова отсуство на извештаченост, како голотијата на Мислителот или Адам и Ева му ја гарантира безвременската вредност на делото на Огист Роден.
Цртежи
уредиГрафичката збирка на Музејот Роден содржи околу 7,000 цртежи. Тие можат да бидат поврзани со различни стилови и епохи: набљудување на пејзажи, фантастични дела инспирирани од "Пеколот" или Бодлер, бројни еротски актови дури и портрети.
Фотографија
уредиВо Музејот Роден има важна збирка од 25.000 фотографии. Меѓу овие, 7.000 биле собрани од страна на самиот Огист Роден. Уметникот покажал навистина голем интерес за оваа уметност и тој соработувал со многу фотографи, како што се Ежен Друе, Жак-Ернест Билоз, Адолф Браун и др. Темите се различни. Роден поседувал лична албуми како сведоштво за неговите центри на интерес и уметнички извори. Освен тоа, овие фотографии се голем извор за да дознаеме што се случувало во студиото помеѓу 1877 година и смртта на Роден во 1917.
Роден како колекционер
уредиВо текот на последните дваесет години од својот живот, како што живеел во Медон, Роден започнал збирка на антички уметнички дела од Египет, Грција и Рим, а потоа подоцна и од Далечниот Исток. Освен тоа, Роден преку серија на размени направени со неговите пријатели уметници, станал сопственик на уметнички дела од Жил Далу, Александар Фалгиер или Жан-Пол Лоренс. Тој, исто така, поседувал три дела од Ван Гог (вклучувајќи Чичко Танги, 1887), од Реноар, Голи во сончевата светлина и Моне, Бел-Ил.
Привремени изложби
уредиПривремени изложби посветени на Огист Роден
уреди- Скулптурата во просторот (француски: La sculpture dans l’espace, Rodin, Brâncuși, Giacometti (ноември 2005-февруари 2006): 82.000 посетители
- Роден и камбоџанските танчерки, неговата последна страст (француски: Rodin et les danseuses cambodgiennes, sa dernière passion) (јуни 2006-септември 2006): 91.000 посетители
- Роден, фигурите на Ерос (француски: Rodin, les figures d’Eros (ноември 2006-март 2007): 84.000 посетители
- Камиј Клодел, жена, уметница (француски: Camille Claudel, une femme, une artiste (април 2008-јули 2008): 150.000 посетители
- Страста на дело. Роден и Фројд, колекционер (француски: La Passion à l’œuvre, Rodin et Freud, collectionneurs (октомври 2008-февруари 2009)
- Тела и декори. Роден и декоративните уметности (француски: Corps et décors. Rodin et les arts décoratifs (април 2010-август 2010)
- Роден. Лабораторија на творештвото (француски: Rodin. Laboratoire de la création (13 ноември 2014 – 27 септември 2015)
Современите ликовни изложби
уредиВо јануари 2006 ликовни изложби исто така биле организирани, како што тоа било направено на почетокот на 1949 година кога првиот Салон на младата скулптура се одржал во Музејот Роден. Уметници како Антони Каро, Ежен Додењ, Етјен Боси изложувале во музејот. Бил Виола, Адел Абдесемед и Мирча Кантор биле поканети да прикажуваат видеа во паркот за "Ноќите на музеите (француски: Nuit des musées)". Во 2010 година, уметнички дела од страна на белгискиот уметник Вим Делвој биле изложени, како и програма со видео-изведби од страна на уметници како Вито Акончи, Сања Ивековиќ, Марина Абрамовиќ и Мона Хатум. Изложбата на Хенри Мур, посветена на неговото студио и на малите била одржана во музејот од 15 октомври 2010 година до 27 февруари 2011.
Двете локации на музејот
уреди
Хотел Бирон, Париз
уреди
_(14579771229).jpg)
Првпат отворен за јавноста на 4 август 1919 година, Музејот Роден е сместен во зградата, порано наречена Хотел Пејренк де Морас, дизајниран со линии на класична архитектура и украсен со декорација. Зградата била изградена на улицата Де Варен помеѓу 1727 и 1732. Од 1788 година, во хотелот престојувале серија на сопствениците и потстанари. Во 1820 година, Војвотката од Шарост го продала целиот имот на три калуѓерки кои припаѓале на една религиозна заедница, Здружението на Светото Срце на Исус. Тука бил отворен интернат за девојчиња, а украсите постепено биле распродадени. Помеѓу 1820 и 1904 година, неколку згради биле изградени на имотот, особено Капелата, дизајнирана од страна на архитектот Жан Жист Густав Лиш и завршена во 1876 година.
Верското здружение било распуштено во 1904 година поради законските одредби кои се однесуваат на поделбата на црквата и државата кои го забранувале верското мешање во наставата. Сестрите биле протерани, а имотот бил ставен на продажба. Додека се чекало купувач, на потстанари им било дозволено да живеат во зградата и меѓу нив, имало неколкумина уметници: Жан Кокто, Анри Матис, Исидора Данкан, Рајнер Марија Рилке, чија идна сопруга Клара Вестхоф која живеела во хотелот, била првата која му кажала на Роден за недвижноста. Така, во 1908, вајарот под кирија заземал четири соби кои ги користел како ателје. Од 1911 година, тој ја изнајмил целата зграда. Во 1911 година, кога француската држава се обврзала да го купи хотелот Бирон, Роден официјално ја објавил својата намера да ги донира сите негови дела на државата, како и неговите цртежи и колекцијата на антиквитети доколку таа се обврзе да ги чува овие колекции во хотелот Бирон, кој подоцна ќе стане Музеј Роден. Во 1916 година, собранието донело закон кој дозволил државата да ги прифати донациите и условите кои ги поставил Роден. Заведен како историски споменик во 1926 година, хотелот Бирон бил реновиран и реставриран, за подобро да ја исполнува неговата улога како музеј. Поновата реставрација започнала во 2012 година, а музејот повторно бил отворен на 12 ноември 2015 година, за 175. роденден на Огист Роден. Реновирањето чинело 16 милиони евра ($17,4 милиони долари).[4]
.jpg)
.jpg)
Музеј Роден во Медон
уредиНа 19 декември 1895 година, Роден купил куќа во Луј XIII стил изградена на ридот на Медон и наречена „Вилата на сјајните“. Во 1900 година, 50 луѓе, вклучувајќи ги и помошниците на вајарот, биле вработени таму од Огист Роден и иако тој продолжил да оди секој ден во неговите ателјеа во Париз, местото наскоро станало главно место каде се собирале пријатели, почитувачи или познати личности од Франција или во странство. По смртта на Огист Роден, вилата и студиото, исто така, станале музеј, отворен три дена неделно. Посетителите можат да ја откријат атмосферата на студиото и на местото каде што Роден сакал да живее и работи. Поставен во 1948 година, музејот, исто така, овозможува да се видат бројни гипсени трудови, и да се откријат различните чекори на креативниот процес.
Галерија на скулптури
уреди-
„Мислителот“ во дворот на музејот. -
„Мислителот“ -
Вертумнус и Помона од Камиј Клодел, 1905
Поврзано
уреди- Список на музеи во Париз
- Музеј Камиј Клодел
- Огист Роден
Користена литература:
уреди- Chevillot, Catherine; Hélène Marraud, Hélène Pinet: Rodin: The Laboratory of Creation. Translation by John Adamson. Dijon: Éditions Faton (2014). ISBN 97828784420079782878442007
Наводи
уреди- ↑ „The musée Rodin | Rodin Museum“. www.musee-rodin.fr. Посетено на 2018-12-02.
- ↑ 2,0 2,1 „Rodin Museum | museum, Paris, France“. Encyclopedia Britannica (англиски). Посетено на 2018-12-02.
- ↑ „Varenne Station - metro.paris“. metro.paris (англиски). Архивирано од изворникот на 2020-09-21. Посетено на 2018-12-02.
- ↑ The Associated Press (5 November 2015). „Rodin Museum in Paris Reopens After 3-Year Facelift“. New York Times. Архивирано од изворникот на 8 November 2015. Посетено на 12 April 2018.
Надворешни врски
уреди- Музеј Роден
- Здружението на пријатели на Музеј Роден Архивирано на 2 септември 2019 г., здружение кое делува во насока на за влијанието и збогатувањето на колекциите во Музеј Роден
- Приказна на посетителот на Музеј Роден во текот на ноќта
- Над 160 фотографии направени во музеј от
- Радио Франс Интернасионал - Изложба на Матис и Огист Роден Архивирано на 17 април 2021 г.
- Фотографии направени во Хотел Б ирон
- Галерија во близина на Музеј Роден Архивирано на 23 февруари 2018 г.
- Роден: Колекција Б. Џералд К антор, целосниот текст од каталогот на Метрополитан Музеј на Уметноста, ресурс за повеќе материјал на Огист Роден