Мистер Фриз
Мистер Фриз (англиски: Mr. Freeze), вистинско име — Виктор Фрис[1] (англ. Victor Fries) — суперзлобник што припаѓа на вселената на DC Comics, тој обично се појавува како непријател на суперхеројот Бетмен.
| Мистер Фриз | |
|---|---|
 Мистер Фриз во Batman — One Bad Day: Mister Freeze #1 (ноември 2022)
Уметник: Брајан Боланд. | |
| Издавање | |
| Издавач | DC Comics |
| Прво појавување | како Мистер Зиро: Batman #121 (февруари 1959); како Мистер Фриз: Detective Comics #373 (март 1968) |
| Автори | Боб Кејн Дејвид Вуд Шелдон Молдоф |
| Информации | |
| Вистинско име | Д-р Виктор Фрис |
| Пријателски врски | Лига на неправдата, Тајно друштво на суперзлобници, Готкорп |
| Партнери | Пингвин, Гатанката, Отровната Ајви |
| Познати моќи | генијален интелект високо познавање од криогеника |
Историја на создавање
уредиПрвобитно именуван како Мистер Зиро, злобникот бил второстепен еднократен непријател на Бетмен. Преименуван во „Мистер Фриз“ во ТВ-серијата „Бетмен“ од 1960-тите, тој бил главно заборавен цели 30 години.[2][3]
Во 1990-тите, ликот повторно бил преосмислен во „Бетмен: Анимирана серија“, епизода „Heart of Ice“, напишана од Пол Дини. Оваа верзија го направила Фриз трагичен антихерој, кој извршил злосторства за да ја спаси својата смртно болна сопруга. Епизодата, пофалена за нејзината длабочина, освоила „Еми“ и влијаела на идните толкувања. Симпатичната приказна на Фриз станала дел од стриповите и другите адаптации, префрлајќи ги неговите мотиви од алчност кон љубов и верност. Толкувањето на Арнолд Шварценегер во „Бетмен и Робин“, исто така, вклучувало елементи од ова преработено потекло.
Моќи и способности
уредиКако и многу непријатели на Бетмен, Мистер Фриз ги заснова своите злосторства на одредена тема — во неговиот случај, студ и мраз. Тој користи специјализирана опрема, вклучително и замрзнувачки пиштол и костум што го одржува во живот додека му дава натчовечка сила и издржливост. И покрај неговите злодела, Фриз не се смета за чисто злобен, бидејќи неговите постапки често произлегуваат од благородни намери.
Во приказната Underworld Unleashed, демонот Нерон му дал моќ на Фриз да создаде мраз со рацете и да преживее минусни температури без неговиот костум. Арно ама, по судирот со хероите како Дона Трој и Зелениот Фенер, Фриз се враќа во својата криогена состојба. Подоцна стекнал надграден оклоп и понапредно оружје.
Наводи
уреди- ↑ Постојат две варијанти на изговор на презимето: „Фрис" и — во серијата „Готам“ — Фрајс.
- ↑ „Batmania UK: 1966 Batman: Villains: Mr. Freeze“. Bat-Mania. Архивирано од изворникот 2012-06-09. Посетено на 2008-05-09.
- ↑ „UGO's World pf Batman - Rogues Gallery: Mr. Freeze“. UGO. Архивирано од изворникот на 2012-06-09. Посетено на 2012-03-08.
Надворешни врски
уреди- Мистер Фриз (англ.)