Миле Петровски
Миле Петровски ( 1926 во Скопје — 13 ноември 1944 во Скопје) — македонски партизан, борец за слобода на Македонија и учесник во НОВ.[1]
| Миле Петровски | ||
| ||
| Роден | 1926 година Скопје, Македонија под окупација на Кралство СХС | |
|---|---|---|
| Починал | 13 ноември 1944 (возр. 17–18) Скопје, Македонија | |
Животопис уреди
Произлегува од многу сиромашно семејство. Завршил основно училиште, а потоа работел во противпожарната чета во Скопје. Од 1944 година организирано работел за целите на НОВ. Бил член на ударните групи во градот. Собирал податоци за окупаторските сили и ги испраќал на народноослободителните бригади. Собирал исто така оружје, муниција и други материјали. Учествувал во префрлувањето на шест руски заробеници од градот во Дванаесеттата македонска ударна бригада. Во есента 1944 година и самиот стапил во редовите на Дванаесеттата македонска ударна бригада, со која учествувал во борбите против балистите на Водно и покрај реката Треска. На 13 ноември 1944 година учествувал и во борбите за ослободувањето на Скопје. Храбро загинал при заземањето на укрепеното училиште „Гоце Делчев“, каде била заробени поголема група германски војници.[1]