Маска (Милош Црњански)

„Маска: поетична комедија“ — драма во стихови на српскиот писател Милош Црњански.

Ликови

Во драмата се појавуваат следниве ликови (комедијанти):

• Генералицата, аристократка од Рим, жена која веќе вене
• Глумицата, млада жена која носи ист костум и има иста коса како генералицата
• Чезар, морнарички офицер, внук на генералицата и нејзино милениче кое таа го нарекува „бебе“
• Бранко Радичевиќ, медицинар
• Рајачиќ, српски патријарх
• баронот Бах, австриски министер
• баронот Шалер, Австриец од Дубровник
• Нако, богаташ сентмиклушки
• Даничиќ, филолог
• Станковиќ, музичар
• Стратимировиќ, заповедник од 1848-49
• Пелагија Воиновиќ, тетка на Чезар по мајка му
• Жан, слуга
• еден генерал
• една баронеса
• господа, офицери, дами, неки маски, слуги

Содржина

Генералицата приредува забава со маски на која учествуваат бројни угледни гости. Нејзиниот внук, Чезар ѝ ја изјавува својата голема љубов на глумицата, која е решена да ја прекине љубовната врска со неа, а тој се заканува дека ќе ја убие. Генералицата, пак, одржува љубовна врска со Стратимировиќ, но тој ја обвинува дека таа има и други љубовници. На забавата присуствува и Бранко Радичевиќ, кој е болен од туберкулоза поради што е убеден дека наскоро ќе умре. Привлечена од неговата младост и исплашена од староста, генералицата му ја нуди својата љубов, но тој ја одбива, зашто е разочаран од животот. Генералицата флертува со слугата Жан, а тоа го гледа Чезар, кој побеснува од глетката и се онесвестува. Кога се освестува, нему му приоѓа жена во маска, облечена како глумицата, која го преколнува да ја минат ноќта заедно, а тој, пак, мислејќи дека таа е глумицата, ја кани да заминат некаде далеку и да се венчаат. Кога случајно ѝ ја потргнува маската, Чезар открива дека таа е, всушност, генералицата, го зема револверот и се убива.