Малино (археолошко наоѓалиште)

Малино — археолошко наоѓалиште во светиниколското село Малино. Претставува осамен наод од римско време. Меѓу лапидите во Заводот и музеј во Штип се наоѓа надгробен споменик донесен во првата половина на педесеттите години од селото Малино, наоѓалиште непознато, со димензии од 2 × 0,50 × 0,11 м. Поделен е на калкан, едикула и натписно поле. Во средината на калканот има розета, над неа пинија, а лево и десно полумесечини. Во едикулата се претставени две машки фигури облечени во различни долги облеки и со фризури со куси кркми прилепени за челото. Едната држи стап и меч во десната рака, а во левата ролна. Што се однесува до натписното поле, во горниот дел има коњаник што стои, облечен во куса облека, кој во левата рака ја држи уздата. Натписот е во 11 реда, напишан на грчки, со семеен карактер.

Поврзано

• Градиште — доцноантичко и средновековно градиште;
• Малино — осамен наод од римското време;
• Поза Рид - Шољеви Камења — населба од доцноантичкото време;
• Св. Стефан — осамен наод од римското време;
• Цигански Гробишта — средновековна некропола;
• Црвена Стена — некропола од доцноантичкото време;
• Малино;
• Список на археолошки наоѓалишта во Светиниколско;
• Список на средновековни некрополи во Македонија.