Малино — село во Општина Свети Николе, во областа Овче Поле, во околината на градот Свети Николе.

Малино
Малино is located in Македонија
Малино
Местоположба на Малино во Македонија
Регион Logo of Vardar Region.svg Вардарски
Општина Свети Николе
Област Овче Поле
Население 45 жит.
(поп. 2002)
Надм. вис. 470 м
Малино на општинската карта
Малино во Општина Свети Николе.svg

Атарот на Малино во рамките на општината

Географиja и местоположбаУреди

Селото се наоѓа во областа Овче Поле, на јужните ограноци на Градиштанска Планина, оддалечено 16 километри северозападно од градот Свети Николе.

ИсториjaУреди

Во XIX век Малино се наоѓало во Кумановската каза, нахија Овче Поле.

СтопанствоУреди

ДемографијаУреди

Според статистиката на бугарскиот етнограф Васил К'нчов (Македонија, Етнографија и статистика) од 1900 година, селото Малино имало 364 жители, сите Македонци.[1]

Според секретарот на егзархијата Димитар Мишев („La Macédoine et sa Population Chrétienne“) од 1905 година, во Малино имало 480 Македонци, егзархисти.[2]

Според пописот од 2002 година, во селото живеат 45 жители, сите Македонци.[3]

На табелата е прикажан бројот на населението во сите пописни години:

Година 1900 1905 1948 1953 1961 1971 1981 1991 1994 2002
Население 364[1] 480[2] 720 657 534 300 139 76 68 45

РодовиУреди

Малино е чисто македонско православно село, во селото има стари родови и нови,

Стари родови се: Неделковци (27 к.), Антовци (15 к.), Стојковци (8 к.) и Девеџинци (5 к.)

Доселени родови до крајот на турското владеење се: Шошевци (5 к.) доселени се од некое село во Скопска Блатија; Левковци (5 к.) доселени се во XIX век од селото Алакинци; Голубовци (6 к.) доселени се од селото Текија, кај Скопје; Пиклевци (3 к.) потекнуваат од домазет доселен од селото Катланово, кај Скопје.

Родови доселени од 1923 натака: Крстевци (3 к.) и Стојковци (2 к.) доселени се од селото Петралица, кај Крива Паланка; Атанасовци (1 к.) доселени се од селото Станча, кај Крива Паланка; Алексовци (1 к.) и Маџо (1 к.) доселени се од околината на Кратово, првите од Талашманце, другите од Крилатица; Вранјанци (1 к.) доселени се од Брезовица, кај Врање; Ристовци (1 к.) доселени се од П’клиштем, кај Куманово; Начевци (1 к.) доселени се од Кокошиње; Тодоровци (1 к.) доселени се од Горобинци, таму биле доселени од околината на Босилеград; Китановци (1 к.) доселени се од Длабочица, Горна Пчиња; Цветановци (1 к.) доселени се од Герман, кај Крива Паланка.[4]

Општествени установиУреди

Самоуправа и политикаУреди

Изборно местоУреди

Селото е опфатено во изборното место бр. 1698 според Државната изборна комисија, сместени во просториите на основното училиште на селото Мустафино.[5]

На претседателските избори во 2019 година, на ова изборно место биле запишани вкупно 347 гласачи.[6]

Културни и природни знаменитостиУреди

Цркви[7]

Редовни настаниУреди

ЛичностиУреди

Култура и спортУреди

ИселеништвоУреди

Најмногу иселеници има во Куманово (10 к.) и Скопје (5 к.). Во Куманово има многу иселеници од родот Неделковци.

НаводиУреди

  1. 1,0 1,1 Кънчов, Васил. „Македония. Етнография и статистика“. София, 1900, стр. 215.
  2. 2,0 2,1 Brancoff, D.M. "La Macédoine et sa Population Chrétienne". Paris, 1905, pp. 126-127.
  3. Попис на населението, домаќинствата и становите во Република Македонија, 2002 - Книга X
  4. Трифуноски, Јован. Овчепољска котлина. Скопје: МАНУ. стр. 679-680–681-682.
  5. "Описи на ИМ". Посетено на 3 ноември 2019.
  6. "Претседателски избори 2019". Посетено на 3 ноември 2019.
  7. Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.
  8. КАМЕН ТЕМЕЛНИК ЗА ИЗГРАДБА НА ЦРКВА ВО С. МАЛИНО – СВЕТИ НИКОЛЕ

Надворешни врскиУреди