Википедија

Малик

гратче во Горица, Албанија

Малик (албански: Maliq, порано: Malik) — гратче и општина во Горичката област, југоисточна Албанија. Ова е помалиот од двата града во областа, од кои другиот е Горица (Корча), оддалечен 11 км на југоисток од Малик. Денешната општина е создадена во 2015 г. со управната реформа во која се споени дотогашните општини Врешта, Гора, Либовник, Малик, Моглица, Пирк и Полјани.[1] Во 2011 г. вкупното население на територијата на денешната општина изнесувало 41.757 жители, и истата зафаќала површина од 656,34 км2.[2] Во 2011 г. тогашната општина Малик (денес општинска единица) броела 4.290 жители,[3] состоејќи се од Малик, Коланец, Гоча, Ѓирас, Бачка, Малик-Околина и Беловиште.[4]

Малик
Maliq
општина
Општинската управа на Малик
Општинската управа на Малик
Грб на Малик
Грб
Малик is located in Албанија
Малик
Малик
Координати: 40°42′30″N 20°42′0″E / 40.70833° СГШ; 20.70000° ИГД / 40.70833; 20.70000
Земја Албанија
ОбластГорица
Надм. вис.&10000000000000825000000825 м
Час. појасCET (UTC+1)
 • Лето (ЛСВ)CEST (UTC+2)
Мреж. местоbashkiamaliq.gov.al

По гратчето Малик било наречено и поранешното Маличко Езеро кое лежело во денешното Горичко Поле и било исцедено во 1940-тите со цел да се спречи ширењето на маларија и да се добие обработливо земјиште.

Стопанство

уреди

Гратчето се развило поради присуството на фабриката за преработка на шеќерна репка, отворена во 1951 г. со парична помош од Советскиот Сојуз. При отворањето, фабриката била способна за обработка на 1.000 тони репка, а подоцна проширена на 2.400 тони. Фабриката е затворена во 1990-тите, што довело до значителна невработеност во градот.[5]

Спорт

уреди
  • ФК „Малик“ (KF Maliqi) — фудбалски клуб во сопственост на општината, основан кон крајот на 1990-тите; домашен стадион е „Јован Аско“ во Малик со сместивост од 1.500 гледачи; игра во Втората фудбалска лига на Албанија.

Населени места во општината

уреди

Денешната Општина Малик (Bashkia Maliq) е поделена на 7 општински единици со вкупно 82 населени места.

Општинска единица Врешта

уреди

Општинската единица Врешта опфаќа 4 населени места со вкупно 7.513 жители (2011). Нејзино седиште е селото Врешта (Vreshtas).

Општинска единица Гора

уреди

Општинската единица Гора (Gorë) опфаќа 18 населени места со вкупно 1.565 жители (2011). Нејзино седиште е селото Ложани (Lozhan).

Општинска единица Либовник

уреди

Општинската единица Либовник опфаќа 13 населени места со вкупно 8.922 жители (2011). Нејзино седиште е селото Либовник (Libonik).

Општинска единица Малик

уреди

Општинската единица Малик опфаќа 7 населени места со вкупно 4.290 жители (2011). Нејзино седиште е гратчето Малик (Maliq).

Општинска единица Моглица

уреди

Општинската единица Моглица опфаќа 17 населени места со вкупно 951 жител (2011). Нејзино седиште е селото Моглица (Moglicë).

Општинска единица Пирк

уреди

Општинската единица Пирк опфаќа 11 населени места со вкупно 7.652 жители (2011). Нејзино седиште е селото Пирк (Pirg).

Општинска единица Полјани

уреди

Општинската единица Полјани опфаќа 12 населени места со вкупно 10.864 жители (2011). Нејзино седиште е селото Полјани (Pojan).

Наводи

уреди
  1. ↑ „Law nr. 115/2014“ (PDF). Архивирано од изворникот (PDF) на 2015-09-24.
  2. ↑ „Interactive map administrative territorial reform“. Архивирано од изворникот на 2017-01-12. Посетено на 2015-06-06.
  3. ↑ 2011 census results Архивирано на 24 септември 2015 г.
  4. ↑ Greece – Albania Neighbourhood Programme Архивирано на 27 март 2012 г.
  5. ↑ http://om.ciheam.org/om/pdf/c02-2/CI011004.pdf
  • Prendi, F. “La civilisation préhistorique de Maliq”, Studia Albanica 1, 1966 : 254–266.

Наводи

уреди

Надворешни врски

уреди
Преземено од „https://mk.wikipedia.org/w/index.php?title=Малик&oldid=4600794“