Мала српоклуна шлука
| Мала српоклуна шлука | |
|---|---|
| |
| Научна класификација | |
| Царство: | Животни |
| Колено: | Хордови |
| Класа: | Птици |
| Ред: | Бекасови |
| Семејство: | Мочварки |
| Род: | Numenius |
| Вид: | Мала српоклуна шлука |
| Научен назив | |
| Numenius arquata (Linnaeus, 1758) | |
Малата српоклуна шлука (науч. Numenius arquata), кај нас позната и како мал српоклун свиркач, или народно шлука југајца е најраспространетата крајбрежна птица која се размножува низ умерена Европа и Азија, ја има и во Македонија.
Во својот ранг, ова е најголема птица, со должина од 50 до 60 см, распон на крилјата од 89 до 106 см и тежина од 410 до 1360 грама.[2] Претежно е сивкавокафеава и има многу долг свиен клун. Мажјаците и женките се идентични, освен што клунот на женките е малку подолг. Во принцип, тешко е да се распознае полот на птицата, освен кога се пар и се размножуваат.
Повикот на оваа птица е гласно карлу-у.
Единствен вид што е сличен на оваа птица е шарената српоклуна шлука (N. phaeopus). Шарената е помала и има пократок клун кој е искривен повеќе на крајот отколку што е целиот свиен. При лет, нозете на птицата се споени наназад и формираат „остра опашка“.
Малата српоклуна шлука е птица преселница која зимува во Африка, јужна Европа и јужна Азија. Повремено некои птици заскитуваат и излегуваат од вообичаениот опсег.[3]
Птицата е претежно внимателна и плашлива. Се собира во големи јата вон сезоната на парење, а се храни сондирајќи со клунот во меката земја барајќи мали безрбетници, но собира и мали ракчиња и црви од површината, ако има прилика.
Гнездото е мала вдлабнатинка во тајгата, ливадата, или слично живеалиште. Несат 3-6 јајца во април или мај кои се инкубираат околу 1 месец.
Nа оваа птица се однесува Договорот за заштита на африканско-евроазиските миграторни водни птици.
Порано беше класифицирана во категоријата на најмала загриженост, но сомнежите се дека е поретка отколку што се мислеше. Следејќи ја бројноста на птицата се заклучи дека е тоа неточно, и сега е во категоријата на речиси загрозен вид од 2008. Иако е вообичаена птица, нејзиниот број е во опаѓање.
Наводи
уреди- ↑ BirdLife International (2012). „Numenius arquata“. IUCN Red List. Version 2012.1. International Union for Conservation of Nature. Посетено на 16 July 2012.
- ↑ CRC Handbook of Avian Body Masses by John B. Dunning Jr. (Editor). CRC Press (1992), ISBN 978-0-8493-4258-5.
- ↑ Wiles et al. (2000, 2004)
- Natural History Museum of Nova Scotia (NHMNS) (1998): Birds of Nova Scotia – Eurasian Curlew Архивирано на 28 август 2008 г.. Retrieved 2008-MAY-23.
- Wiles, Gary J.; Worthington, David J.; Beck, Robert E. Jr.; Pratt, H. Douglas; Aguon, Celestino F. & Pyle, Robert L. (2000): Noteworthy Bird Records for Micronesia, with a Summary of Raptor Sightings in the Mariana Islands, 1988–1999. Micronesica 32(2): 257–284. PDF fulltext Архивирано на 23 април 2013 г.
- Wiles, Gary J.; Johnson, Nathan C.; de Cruz, Justine B.; Dutson, Guy; Camacho, Vicente A.; Kepler, Angela Kay; Vice, Daniel S.; Garrett, Kimball L.; Kessler, Curt C. & Pratt, H. Douglas (2004): New and Noteworthy Bird Records for Micronesia, 1986–2003. Micronesica 37(1): 69–96. HTML abstract Архивирано на 5 мај 2009 г.
Надворешни врски
уреди| „Мала српоклуна шлука“ на Ризницата ? |
- (Eurasian) Curlew – Species text in The Atlas of Southern African Birds.
- Eurasian Curlew videos, photos & sounds Архивирано на 23 ноември 2015 г. on the Internet Bird Collection
- Probing the Thames Estuary