Ловиса од Шведска
Ловиса Јозефина Еугенија од Шведска (шведски: Lovisa Josefina Eugenia; позната и како Луиза, 31 октомври 1851 – 20 март 1926 година) како сопруга на кралот Фредерик VIII била кралица на Данска од 1906 до 1912 година.
| Ловиса од Шведска | |||||
|---|---|---|---|---|---|
 | |||||
| Кралица на Данска и Исланд | |||||
| На позиција | 29 јануари 1906 – 14 мај 1912 | ||||
| Роден(а) | Принцеза Ловиса од Шведска и Норвешка 31 октомври 1851 Стокхолмска палата, Стокхолм, Шведска | ||||
| Починал(а) | 20 март 1926 (возр. 74) Палатата Амалиенборг, Копенхаген, Данска | ||||
| Почивалиште | Катедралата Роскилде | ||||
| Сопружник | Фредерик VIII Дански (в. 1869; d 1912) | ||||
| Деца |
| ||||
| |||||
| Династија | Бернадоти | ||||
| Татко | Карл XV Шведски | ||||
| Мајка | Луиза Холандска | ||||
| Вероисповед | Лутеранство | ||||
Ловиса е мајка на кралот Кристијан X од Данска и на кралот Хoкон VII од Норвешка.[1]
Биографија
уреди
Принцезата Ловиса од Шведска и Норвешка е родена на 31 октомври 1851 година во Кралската палата во Стокхолм.[2] Таа била првородено дете на тогашниот престолонаследник Карл од Шведска и Норвешка и неговата сопруга, принцезата Луиз од Холандија. [2] Принцезата Ловиса припаѓала на династијата Бернадот, која владеела со Шведска од 1818 година. Основачот на династијата Жан-Батист Бернадот бил еден од генералите на Наполеон Бонапарт и бил избран за престолонаследник на Шведска во 1810 година, а во 1818 година го наследил престолот како крал Карл XIV Јуан. Се оженил со Дезире Клари, која претходно била свршена со францускиот цар. Синот на Карл XIV, Оскар I, се оженил со Жозефин од Лојхтенберг, внука на првата сопруга на Наполеон, царицата Жозефина. Кралот Оскар I и кралицата Жозефина биле баба и дедо на принцезата Ловиса по татко.[3]
Детство и образование
уреди
Ловиса се опишува како сакано и разгалено единствено дете на нејзините родители: се вели по изглед била на нејзината мајка, но во однесувањето на татко ѝ, и е опишана како енергична, дружељубива, мажествена и прилично непрепорачлива.
Детството на Ловиса било исклучително среќно. По смртта на нејзиниот единствен брат, таткото на Ловиса почнал да ја воспитува како момче, па таа во одредена мера се запознала со ограничувањата на кои биле подложени девојчињата во тоа време, и пораснала во природна и љубезна личност. Иако останала единствено живо дете на нејзините родители, Ловиса не била прогласена за наследничка на шведскиот и норвешкиот престол и била лишена од ова право во корист на нејзиниот вујко Оскар.
Брак и принцеза на Данска
уреди
На 28 јули 1869 година, Ловиса се омажила за данскиот престолонаследник Фредерик. Свадбата била раскошно прославена во Стокхолм, и покрај гладот што беснеел во Шведска во тоа време. Бракот меѓу Ловиса и Фредерик требало да послужи како повод за зближување меѓу Данска и Шведска, чии односи биле заладени за време на Данско-пруската војна од 1864 година, кога Шведска одбила да ја поддржи Данска.
Ловиса и Фредерик VIII имале осум деца:
- Престолонаследникот Кристијан од Данска (1870 - 1947), кој подоцна станал крал на Данска како Кристијан X
- Принцот Карл од Данска (1872 - 1957) кој подоцна бил избран за крал на Норвешка како крал Хокон VII
- Принцезата Луиза од Данска (1875 - 1906)
- Принцот Харалд од Данска (1876 - 1949)
- Принцезата Инјеборг од Данска (1878 - 1958)
- Принцезата Тира од Данска (1880 - 1945)
- Принцот Густав од Данска (1887 - 1944)
- Принцезата Дагмар од Данска (1890 - 1961)
Во својата нова татковина, Ловиса стана попозната по името Луиза. Таа е првата шведска принцеза која станала дел од данското кралско семејство од средниот век. Луиза била исклучително популарна во данското општество,[4] но била непопуларна во данскиот двор и кралското семејство, а бракот не резултирал со посакуваното подобрување на односите меѓу данската и шведската кралска куќа. Таа не им се допаѓала на нејзината свекрва и золви, а нејзиниот сопруг бил премногу плашлив за да ѝ даде поддршка против мајка му и неговите сестри. Тоа станало причина бракот да испадне доста несреќен.
Со текот на времето, карактерот на Луиза се менува - од пријателска и отворена, таа станува порезервирана и построга, а рамнодушноста на нејзиниот сопруг ја направило порелигиозна. Нејзина единствена страст станало воспитувањето на нејзините деца, кое било многу построго од нејзиното, и честите посети на роднините и пријателите во Шведска.
Семејството живеело дискретен живот во палатата Амалиенборг преку зима и палатата Шарлотенлунд на лето. Во првите години од бракот, Луиз често ја посетувала Шведска. Таа била таму кога починала мајка ѝ во март 1871 година. Во тоа време, добила утеха од сопругата на вујко ѝ, Софија од Насау, која станала нејзина доверлива и лична пријателка.[4]
Кралица на Данска
уредиЛуиза станала кралица на Данска во 1906 година. Како кралица, била претежно позната по нејзините добротворни активности. Таа не се грижела за церемонијални должности и јавни настани и живеела дискретен живот посветен на нејзините деца и нејзините интереси за уметност, литература и добротворни цели.
Кралицата доверител
уредиЛуиза станала вдовица во 1912 година. Нејзиниот најстар син Кристијан X од Данска станал нов крал на Данска. Таа била последна вдовица на дански монарх која официјално ја користела титулата кралица доверител. Од 1915 до 1917 година таа самата го изградила замокот Егелунд меѓу Хилерод и Фреденсборг каде што живеела до крајот на својот живот. Кралицата Луиза починала во палатата Амалиенборг во Копенхаген во 1926 година и е погребана до нејзиниот сопруг во катедралата Роскилде.
Наводи
уреди- ↑ „Louise, 1724–51 Frederik V's Dronning“. Dansk biografisk Lexikon. Посетено на 1 November 2019.
- ↑ 2,0 2,1 Lager-Kromnow 1982–1984.
- ↑ „Lovisa – Lovisa Josephina Eugenia“. Svenskt biografiskt handlexikon. Посетено на 1 November 2019.
- ↑ 4,0 4,1 Anne-Marie Riiber (1959). Drottning Sophia. (Queen Sophia) Uppsala: J. A. Lindblads Förlag. page . ISBN (Swedish)
Надворешни врски
уреди- Aage Friis Oscar II:s förhålandde till Danmark och Nordslesvig * Кралската куќа на Шведска Архивирано на 30 октомври 2015 г.
- Кралската куќа на Данска
- Кралицата Ловиса на веб-страницата на Кралската данска колекција во палатата Амалиенборг