Википедија

Лиса (раперка)

тајландска раперка, пејачка и танчерка

Лалиса Манобал (тајландски: ลลิษา มโนบาล; родена како Пранприја Манобал на 27 март 1997 година), естрадно позната како Лиса (хангул: 리사) ― тајландска раперка, пејачка и танчерка. Таа е член на јужнокорејската женска група Blackpink.

Лиса
Лиса во септември 2024
Роден(а)Пранприја Манобал
27 март 1997(1997-03-27) (27 г.)
Бурирам, Тајланд
Занимање
  • Раперка
  • пејачка
  • танчерка
ОрганизацијаLloud

Музичка кариера
Жанрови
ИнструментиГлас
Период на активност2016–денес
Издавачи
Потпис
Страница
lalisaofficial.com
lloud.co

Во септември 2021 година, Лиса го издала нејзиниот прв сингл-албум Lalisa. Lalisa и „Money“ станале прв албум и прва песна од К-поп солист кои достигнале една милијарда стримови на Spotify. Во текот на нејзината кариера Лиса добила многу награди и признанија, вклучувајќи: девет Гинисови рекорди, музичка награда Gaon Chart, Mnet Asian Music Award, две MTV Video Music Awards и MTV Europe Music Award. Таа е најследен К-поп солист на Инстаграм и најследена К-поп пејачка на Spotify.

Живот и кариера

уреди

1997–2010: Рани години и образование

уреди

Пранприја Манобал е родена на 27 март 1997 година[1] во тајландската покраина Бурирам.[2] Подоцна го сменила нејзиното име во Лалиса.[3] Завршила средно образование во училиштето Прафамонтри II.[4] Зборува повеќе јазици; покрај нејзиниот мајчин тајландски, течно зборува корејски и англиски јазик, а има основни познавања на јапонски и кинески јазик.[5]

На четиригодишна возраст се запишала на часови по танцување.[6] Била во составот на единаесетчлената танцова група We Zaa Cool.

2012–2015: Почетоци на кариерата

уреди

Во 2010 година, на 13-годишна возраст, Лиса се пријавила на аудиција за да се приклучи на јужнокорејската издавачка куќа YG Entertainment во Тајланд. Меѓу 4.000 апликанти, таа била единствен солист кој се квалификувал, а тогашниот извршен директор Јанг Хјун-сук ѝ понудил договор за менторство на Лиса со YG Entertainment.[7]

Во 2011 година, Лиса се преселила во Јужна Кореја и официјално се приклучила на издавачката куќа на 11 април, со што станала прв нивен член кој нема корејско потекло.[8] Во март 2015 година, Лиса станала заштитно лице на модниот бренд Nona9on, а во 2016 година и на јужнокорејскиот козметички бренд Moonshot.[9]

2016–2023: Член на групата Блекпинк и прв соло-албум

уреди
 
Лиса на настап во мај 2017 година

Во јуни 2016 година, Лиса станала член на јужнокорејската женска група Blackpink,[10][3] а во август 2016 бил издаден првиот албум од групата, Square One.[11] Во 2018 година, Blackpink потпишале договор со Interscope Records во партнерство со YG Entertainment.[12]

На 19 април 2021 година, од YG Entertainment откриле дека Лиса ќе стане трет член од Blackpink кој ќе започне соло-кариера. Првиот соло-албум на Лиса, Lalisa, и истоимениот водечки сингл биле објавени на 10 септември 2021 година.[13][14] Музичкото видео за „Лалиса“, со 73,6 милиони прегледи станало најгледано видео од солист за 24 часа, соборувајќи го рекордот што го држела песната „Ме!“ од Тејлор Свифт со Брендон Ури; со тоа таа соборила два Гинисови рекорда.[15][16] Албумот се продал во 736 221 примероци во Јужна Кореја во првата недела, со што поставила рекорд за најголема продажба во првата недела од пејачка во земјата и станала прва солистка која ја надминала границата од 500 000 продадени примероци за една недела.[17]

 
Лиса на аеродромот во Инчеон во јуни 2019 година

На 28 август 2022 година, за песната „Лалиса“, Лиса освоила видеомузичка награда од MTV за најдобрa кej-поп изведба и станала прв кеј-поп солист кој освоил награда за видеомузика од МТV.[18] На 13 ноември, освоила Европска музичка награда од MTV за најдобра K-поп изведба и станала прв кеј-поп солист во историјата кој освоил и MTV Europe Music Award.[19]

Во 2023 година Лиса соборила уште два Гинисови рекорда: К-поп пејачка која најбрзо достигнала 1 милијарда стримови и прв албум од К-поп солист кој достигнал 1 милијарда стримови на Spotify. Во 2023 година Лиса исто така го соборила Гинисовиот рекорд за најследен К-поп музичар на Инстаграм.[20] Со ова, таа станала К-поп солист со најмногу Гинисови рекорди во историјата, освојувајќи седум во споредба со петте на Псај.[21] Во септември 2023 година, Лиса соборила уште еден Гинисов рекорд: прва песна од К-поп солиста која достигнала 1 милијарда стримови на Spotify (за песната „Money“).[22]

2023–сега: Независен солист и глума

уреди
 
Лиса на изложба на Булгари во јуни 2023 година

На 22 ноември 2023 година, кралот Чарлс III ги прогласил Лиса и другите членови од Блекпинк за почесни членови на Редот на Британската империја.[23] На 5 декември, од YG Entertainment објавиле дека Лиса и другите членови на Blackpink ги обновиле своите договори за групни активности, но дека индивидуалните договори со членовите сè уште се предмет на разговор.[24] YG Entertainment на 29 декември потврдиле дека Лиса и другите членови на Blackpink се согласиле да не склучуваат договор со издавачката куќа за индивидуални активности.[25]

На 8 февруари 2024 година, Лиса објавила дека основала своја компанија за управување со музичари, под името Lloud.[26] Variety објавиле дека Лиса ќе дебитира како глумица во третата сезона од телевизиската серија на HBO , Белиот лотос.[27] На 10 април, било објавено дека во партнерство со Lloud, таа се приклучила на RCA Records за да издава соло музика.[28]

На 6 јуни 2024 година Лиса креирала нова сметка на TikTok и поставила нов Гинисов рекорд со тоа што добила милион следбеници за само два часа и 18 минути.[29]

За песната „Rockstar“ Лиса била номинирана за 4 награди на MTV Video Music Awards одржани на 11 септември 2024 и ја освоила наградата за најдобар К-поп, со што Лиса станала прв соло-пејач кој двапати ја освоил оваа награда.[30]

Дискографија

уреди

Сингл-албуми

уреди
  • Lalisa (2021)

Наводи

уреди
  1. ↑ Li, Caspar (March 27, 2019). „4 reasons why we love Lisa, Blackpink's youngest member“. South China Morning Post. Архивирано од изворникот на January 6, 2020. Посетено на May 21, 2019.
  2. ↑ Thaitrakulpanich, Asaree (May 2, 2019). „Black Pink to Light Bangkok on Fire This Summer“. Khaosod English. Архивирано од изворникот на May 13, 2019. Посетено на May 21, 2019.
  3. ↑ 3,0 3,1 „Lisa from Blackpink – Thailand-raised K-pop singer who is the group's main dancer and speaks four languages“. South China Morning Post. Архивирано од изворникот на May 3, 2019. Посетено на May 18, 2019. Грешка во наводот: Неважечка ознака <ref>; називот „scmp“ е зададен повеќепати со различна содржина.
  4. ↑ „Lisa of Blackpink donates to help flood victims in Thailand“. The Independent Singapore (англиски). September 22, 2019. Архивирано од изворникот на November 9, 2020. Посетено на January 31, 2021.
  5. ↑ Празен навод (help)
  6. ↑ „'LISA' YG New Girl Group : ลลิษา มโนบาล กับเรื่องราวที่เล่าโดยพี่สาวถ“. hallyukstar (тајландски). July 4, 2019. Архивирано од изворникот на June 8, 2016. Посетено на June 8, 2016.
  7. ↑ Jason Pham (January 1, 2020). „Blackpink's 4 Members Were Discovered in Completely Different Ways“. Stylecaster. Архивирано од изворникот на January 27, 2021. Посетено на January 30, 2021.
  8. ↑ „มากกว่าสวยคือความทุ่มเท "ลิซ่า Blackpink" มีวันนี้ได้เพราะความสามารถ“. Praew (тајландски). July 4, 2019. Архивирано од изворникот на April 17, 2019. Посетено на June 14, 2018.
  9. ↑ [블랙핑크 VS 투애니원③] 블랙핑크는 누구?. Donga News. August 12, 2016. Архивирано од изворникот на June 12, 2018. Посетено на June 4, 2019.
  10. ↑ Kim Yu-young (August 9, 2016). „YG Entertainment unveils K-pop group Blackpink“. Kpop Herald. Архивирано од изворникот на October 6, 2020. Посетено на May 20, 2017.
  11. ↑ [뮤직톡톡] 마성의 '휘파람'...블랙핑크, 전 음원차트 1위 탈환. OSEN [ko]. August 14, 2016. Архивирано од изворникот на July 4, 2019. Посетено на July 4, 2019.
  12. ↑ Празен навод (help)
  13. ↑ Kim Hyun-seo (August 25, 2021). 블랙핑크 리사, 다음달 솔로 데뷔 확정 ... 싱글앨범 'Lalisa' (라리사) 발매 [Blackpink's Lisa to make her solo debut next month ... Single album 'Lalisa' released]. Top Star News (корејски). Архивирано од изворникот на August 26, 2021. Посетено на August 25, 2021.
  14. ↑ „Blackpink's Lisa to release solo album next month“. The Straits Times (Singapore). August 27, 2021. Архивирано од изворникот на August 27, 2021. Посетено на August 27, 2021.
  15. ↑ „Blackpink's Lisa breaks Taylor Swift's YouTube record with 'Lalisa'“. NME (англиски). September 14, 2021. Архивирано од изворникот на September 14, 2021. Посетено на September 24, 2021.
  16. ↑ Dominic, Punt (October 8, 2021). „Blackpink member Lisa begins solo career by smashing YouTube record“. Guinness World Records (англиски). Архивирано од изворникот на July 12, 2022. Посетено на August 3, 2022.
  17. ↑ Hicap, Jonathan (September 17, 2021). „Blackpink Lisa's 'Lalisa' album sets records with 736,000 copies sold in first week“. Manila Bulletin. Архивирано од изворникот на September 17, 2021. Посетено на September 21, 2021.
  18. ↑ Празен навод (help)
  19. ↑ Празен навод (help)
  20. ↑ Празен навод (help)
  21. ↑ Vouloumanos, Victoria (May 10, 2023). „Blackpink's Lisa Is Now The K-Pop Soloist With The Most Guinness World Records In History After Her 7th Win, And Fans Are So Proud“. Buzzfeed (англиски). Архивирано од изворникот на May 11, 2023. Посетено на May 10, 2023.
  22. ↑ Bowenbank, Starr (September 27, 2023). „BLACKPINK's Lisa Just Broke a Guinness World Record With 'Money'“. Billboard. Архивирано од изворникот September 28, 2023. Посетено на September 27, 2023.
  23. ↑ Suleiman, Farouq; Rantala, Hanna (November 22, 2023). „K-Pop band BLACKPINK receive honorary MBEs from Britain's King Charles“. Reuters. Архивирано од изворникот на November 22, 2023. Посетено на November 22, 2023.
  24. ↑ Yoon, So-Yeon (December 6, 2023). „Blackpink promises new album, world tour after contract renewal“. Korea JoongAng Daily. Архивирано од изворникот на December 6, 2023. Посетено на December 6, 2023.
  25. ↑ 블랙핑크, 팀 활동만 YG서…지수·제니·리사·로제 개별 계약 않기로(종합). Newsis (корејски). Архивирано од изворникот на December 29, 2023. Посетено на December 29, 2023.
  26. ↑ Ziwei, Puah (February 8, 2024). „BLACKPINK's Lisa launches her own management company, LLOUD“. NME. Архивирано од изворникот на February 8, 2024. Посетено на February 8, 2024.
  27. ↑ Otterson, Joe (February 12, 2024). „Blackpink's Lisa Joins 'White Lotus' Season 3 (EXCLUSIVE)“. Variety. Архивирано од изворникот на February 13, 2024. Посетено на February 12, 2024.
  28. ↑ Aswad, Jem (2024-04-10). „Blackpink's Lisa and Her Company Lloud Co. Partner With RCA Records“. Variety (англиски). Архивирано од изворникот на April 10, 2024. Посетено на April 10, 2024.
  29. ↑ Празен навод (help)
  30. ↑ Yoo, Hong (September 12, 2024). „Blackpink's Lisa wins second Best K-pop award at MTV VMAs“. The Korea Herald. Архивирано од изворникот на September 12, 2024. Посетено на September 12, 2024.

Надворешни врски

уреди
Преземено од „https://mk.wikipedia.org/w/index.php?title=Лиса_(раперка)&oldid=5288587“