Лашко Езеро
Лашко Езеро (германски: Laacher See) е кратерско езеро во планините Ајфел и е најголемото езеро во покраината Рајнска област-Пфалц, Германија. Езерото е со дијаметар од 2 км, се наоѓа на околу 24 км северозападно од Кобленц, 37 км јужно од Бон и 8 км западно од Андернах. Формиран е во калдера на вулканот Лахер по неговата последна ерупција, која датира од 11-тиот милениум п.н.е. Испуштањето гас, кое може да се види како мофети во југоисточниот дел на езерото, е знак за тековен вулканизам. Експлозијата има индекс 6 на скалата на вулкански експлозивни индекси (ВЕИ) и има волумен од 16 км³. За споредба, ерупцијата на Пинатубо во 1991 година била околу 10 км³ (ВЕИ 6), а ерупцијата на Сент Хеленс од 1980 година била само околу 0,5 км³ (ВЕИ 5). Површината на овалното езеро е приближно 3,31 км², максималната длабочина е 51 м.[1]
| Лашко Езеро Laacher See | |
|---|---|
 Поглед на Лашкото Езеро | |
 Топографска карта на околината на Лашкото Езеро | |
| Подрачје | Арвајлер, Рајнска област-Пфалц |
| Координати | 50°24′45″N 07°16′12″E / 50.41250° СГШ; 7.27000° ИГД |
| Вид | Кратерско езеро |
| Главни приливи | Ниеден |
| Главни истеци | Фулберт Столен (канал) |
| Слив | 12,2 км2 |
| Сливни земји | Германија |
| Најг. должина | 1,964 км |
| Најг. ширина | 1,186 км |
| Површина | 3,31 км2 |
| Прос. длабочина | 31 м |
| Најг. длабочина | 51 м |
| Зафатнина | 103,000,000 км3 |
| Брег | 7,3 км |
| Надм. височина | 275 м |
| Острови | Ниеден |
| 1 Бреговата должина не е добро определена мерка. | |
Самото име на езерото Laacher See е тавтологија. Зборот Laach доаѓа од старогерманскиот lacha, поврзан со денешниот збор Lache, латинскиот lacus и англискиот lake, т.е. езеро. Германскиот збор See значи и езеро.
Во 19 век, језуитскиот ред изгради вила на брегот на Лашкото Езеро. Оваа зграда стана вистинска замка за монасите - за околу 20 години во неа загинаа 17 луѓе, од кои многумина во сон. Долго време нивната смрт остана мистерија додека не беше откриено дека многуте мофети долж брегот испуштаат јаглерод диоксид.[2]
Според експертите, супервулканот Лахер за време на својата последна ерупција исфрли стотици милиони тони пепел и камења на површина од неколку илјади квадратни километри. Периодично се забележуваат благи потреси, што во комбинација со мофетите укажува дека вулканот е активен.[3]
Наводи
уреди- ↑ Burkhard Scharf, Ulrich Menn, "Orographische, hydrologische Daten des Laacher Sees" (in германски), Limnology of Eifel maar lakes (Geesthacht: GKSS-Forschungszentrum): стр. 44 – 62 (германски) (англиски)
- ↑ Вулканы/Мофеты – ядовитое дыхание спящих вулканов (руски)
- ↑ Събужда се „супервулкан“ в Германия, 03 януари 2012, Novini.bg (бугарски)
