Отвори го главното мени

Крињица Морска

паланка во северна Полска

Крињица Морска (полски: Krynica Morska, германски: Kahlberg) — гратче и општина на Висланскиот Провлак крај Балтичкото Море во северна Полска со 1.302 жители (2017)[1]. Почнувајќи од 1999 г. местото е во состав на Новодвурскиот Округ на Помоското Војводство.

Крињица Морска
Krynica Morska
Поглед на пристаништето
Поглед на пристаништето
Грб на Крињица Морска
Грб
Земја Полска
ВојводствоПоморско
ОкругНоводвурски
ОпштинаКрињица Морска (градска општина)
ОснованXV век
Станал град1991
Управа
 • ГрадоначалникАдам Островски
Површина
 • Вкупна116 км2 (45 ми2)
Население (2017)
 • Вкупно1.302
 • Густина11,4/км2 (300/ми2)
Часовен појасCET (UTC+1)
 • Лете (DST)CEST (UTC+2)
Пошт. бр.82-120
Повик. бр.+48 55
Рег. таб.GND
КлимаCfb
Мреж. местоkrynicamorska.pl

ИсторијаУреди

Сè до 1793 г. ова подрачје било во состав на Кралството Полска, а од 1793 до 1945 г. во Кралството Прусија и во Германија. Тогаш селото го носело името Калберг.

Првите податоци за местото се од 1424 г. Околу 1840 г. селото се развило во летно одморалиште. Со влегувањето во Полска по Втората светска војна, дадено му е името Лисица (Łysica) (како полски превод łys- на германското kahl - ќелав). Во 1958 г. е преименувано во Крињица Морска (krynica е архаичен збор за „извор“) како истоветик на другото познато летувалиште во Полска со име Крињица. Во периодот помеѓу 1975 и 1998 г. местото било во тогашното Елблоншко Војводство.

Во 1991 г. е Крињица Морска е прогласена за град (и општина), и кон неа се здружени селата Нова Карчма и Пшебрно, дотогаш во општината Штутово.[2]

Особености и знаменитостиУреди

Гратчето е главно посетителско одредиште на Висланскиот Провлак. Општинското подрачје на гратчето се протега вон него, долж речиси целиот полски дел провлакот сè до руската граница, и опфаќа други места како Пшебрно и Пјаски.

Крињица Морска е општина со најмалку жители од сите во земјата. Поради приклучувањето на селските делови на провлакот кон гратчето, населението е проретчено, и со тоа има намлала густина на населеност од било кој град во Полска — 11,74 жит./км2.

Познатиот светилникот првобитно е изграден во 1895 г. Уништена е во 1945 г. кога е минирана при повлекувањето на германската војска. Во 1951 г. е изграден нов светилник кој денес е отворен за посетители. До него има мали гробишта со споменик на советските војници настрадани во минирањето.

ПоврзаноУреди

НаводиУреди

  1. Податоци за Крињица Морска — Полска во бројки (полски)
  2. „Internetowy System Aktów Prawnych“. Isap.sejm.gov.pl. конс. 2012-09-14. 

Надворешни врскиУреди