Кристоф Најдовски
Кристоф Најдовски (9 август 1969, Париз) — француски политичар, поранешен член на Европа Екологија Зелени. Тој е заменик-градоначалник на Париз задолжен за ресорот за мали деца од 2008 до 2014 година, транспорт, преселувања, патишта и јавен простор од 2014 до 2020 година и обновување на вегетацијата на јавниот простор, зелените површини, биолошката разновидност и состојбата на животните од 2020 година. Од 2018 до 2021 година е претседател на Европската велосипедска федерација .
| Кристоф Најдовски Christophe Najdovski | |
|---|---|
| |
| Кристоф Најдовски во 2014 година | |
| Заменик-градоначалник на Париз задолжен за обновување на вегетацијата на јавниот простор, зелените површини, биолошката разновидност и состојбата на животните | |
| На должноста | |
| Стапил 6 јули 2020 | |
| Градоначалник | Ан Идалго |
| Заменик-градоначалник на Париз задолжен за транспорт, преселувања, патишта и јавен простор | |
| На должноста 5 април 2014 – 6 јули 2020 | |
| Градоначалник | Ан Идалго |
| Заменик-градоначалник на Париз задолжен за ресорот за мали деца | |
| Градоначалник | Бертран Деланое |
| Лични податоци | |
| Роден(а) | 9 август 1969 Париз 20. арондисман, Франција |
| Националност | Французин |
| Живеалиште | Париз |
| Установа | Универзитет Париз 1 Пантеон-Сорбона |
| Професија | професор по економски и општествени науки |
Потекло и образование
уредиКристоф Најдовски е роден во 20. арондисман на Париз [1], во имигрантско семејство кое пристигнало од Македонија една година пред неговото раѓање[2]. Израснал во Порт де Венсен каде неговата мајка била домарка [3] (консиерж), додека неговиот татко бил специјализиран работник во фабриките на Рено во Булоњ-Бијанкур [1].
Студирал економија и во 1992 година се здобил со магистерска диплома за економија на животна средина (неговата теза била за управување со урбан отпад во Сена и Марна[4] ). Потоа полагал за професорски сертификат по економски и општествени науки што ќе му овозможи да предава петнаесет години во парискиот регион [2], во Витри-сир-Сен, во Сен Дени потоа во Париз, во гимназијата „Пол Валери“[3]. До 2013 година предавал социјални политики на Универзитетскиот технолошки институт во Бобињи.
Од 2018 до 2021 година е претседател на Европската велосипедска федерација, што се сметало за лобирање за велосипедизмот[5].
Политички ангажман
уредиКристоф Најдовски ја открил екологијата за време на факултетските студии, во контакт со неговиот професор Рене Пасе и во тоа време бил заинтересиран за борбата против апартхејдот како и за милитантните активности на Вацлав Хавел и Чико Мендес[2] .
Се приклучил на Зелените во 1993 година кога избрале да се позиционираат лево[2] . Оттогаш почнал да работи како локален активист.
Се кандидирал на општинските избори во 1995 во 12 арондисман на Париз (каде што живее [2]) во неподобна позиција. Кандидат е во 1997 година на парламентарните избори во 8 изборна единица на Париз.
Наводи
уреди- ↑ 1,0 1,1 « Municipales: Christophe Najdovski, candidat "normal" d'EELV à Paris » Архивирано на 4 ноември 2021 г. publié sur le site du quotidien La Croix le 11 septembre 2013.
- ↑ 2,0 2,1 2,2 2,3 2,4 Kim Hullot-Guiot, « Christophe Najdovski, un nouveau visage pour élargir l'espace vert » Архивирано на 2 април 2014 г. publié par le quotidien Libération le 18 septembre 2013.
- ↑ 3,0 3,1 « Christophe Najdovski, le nouvel homme fort antipollution », Le Parisien, 17 mai 2015.
- ↑ « Déchets urbains : la nécessité d'une gestion intégrée : application à la ville nouvelle de Sénart et à l'agglomération melunaise », en ligne sur le catalogue du système universitaire de documentation, sudoc.abes.fr.
- ↑ „Fédération européenne des cyclistes“. 19 mai 2019. Посетено на 19 septembre 2020. Проверете ги датумските вредности во:
|accessdate=, |date=(help).
Надворешни врски
уреди- Blog de Christophe Najdovski Архивирано на 24 мај 2013 г.
- Sa fiche sur le site de la mairie de Paris