Коце Харалампиев Коцевски ( 1902 во Кратово16 мај 1944 во Бела Вода (Босилеград), Србија) — македонски партизан, борец за слобода на Македонија и учесник во НОВ.[1]

Коце Коцевски
Роден 1902 година
Кратово, Македонија под Османлиска власт
Починал 16 мај, 1944 година
Бела Вода, Босилеградско, Србија
Убиен од бугарскиот окупатор
Националност Македонец

Животопис уреди

По завршување на основното четиригодишно училиште го изучил содаџискиот занает. Иако имал свој содаџиски дуќан не можел да го прехрани своето семејство, па се занимавал со лозарство и други дејности. За време на окупацијата заминал на работа во Германија каде од близу се запознал со тешкиот живот на работничката класа. Со првото ослободување на Кратово на 25 април 1944 година, тој заедно со еден од синовите стапиле во редовите на Треттатa македонска ударна бригада. Неговиот борбен пат бил краток, но оставил добри спомени кај своите другари и борци со својата храброст. Земал учество во многу борби, а посебно се истакнал во борбите на: Султан Тепе, Мала Црцорија, Бистра Планина, Црноок, Црна Трава, Знеполе, Сурлица и други места. Загинал на 16 мај 1944 година, борејќи се храбро против бугарските окупаторски војски во борбите крај Бела Вода (Босилеградско) во Србија.[1]

Наводи уреди

  1. 1,0 1,1 Нивната борба за слобода, наш патоказ за иднината. Кратово: Општински одбор на СЗБ НОВ Кратово. 1985. стр. 40.