Кордопулова куќа

Кордопулова куќа
Кордопулова куќа
	Поглед на куќата
Општи податоци
Статус	споменик на културата
Вид	куќа
Стил	староградски
Град	Мелник
Земја	Бугарија
Почната	1754

Куќата на Кордопулов (бугарски: Кордопулова къща, Kordopulova kashta) — голема бугарска национална преродбеничка куќа во југозападниот бугарски град Мелник. Кужата била изградена во 1754 година специјално за производство на вино и го купил богатиот трговец Манолис Кордопулос. Куќата, веројатно најголемата од ваков вид и период, се наоѓа во источниот дел на градот и се состои од приземје што вклучува винарска визба, полуподрум за економски потреби и место наменето за живеење.

Преглед

Кордопуловата куќа била изградена во 1754 година. Му припаѓала на Манолис Кордопулос, богат трговец со вино кој тргувал низ Европа, особено Париз и Венеција. Денес, куќата е едно од 100-те национални туристички места во Бугарија, ^[1] служејќи како музеј со посебен простор за дегустација на вино. ^[2]

Куќата се наоѓа во Мелник, најмалиот град во Бугарија. Градот може да се пофали со долга историја на вино. Неговата ендемска сорта Широка Мелнишка лоза, наводно произведена уште од антиката, користи грозје со крупни и груби лисја и мали бобинки со темна боја, кои се собираат на почетокот на октомври и созреваат во дабови буриња. Вината овде се сложени и зачинети.

Македонскиот револуционер Јане Сандански ја користел куќата за засолниште пред Првата светска војна. Последниот од семејството Кордопулови бил убиен во 1916 година, а куќата и била предадена на Агнеса, слугинка или сестра на некој од Кордопулови. Се омажила за Георги Цинцаров и, иако немале деца, го посвоиле својот внук Гавраил. Тој пак е татко на Никола Паспалев, сегашен сопственик. Куќата на Кордопулов била реновирана во 1974-1980 година и моментално е приватен музеј кој годишно го посетуваат 30.000 туристи.

Распоред

Најголемата преродбеничка куќа во Бугарија и на Балканот, се состои од три нивоа и подрум. Надвор од домот се наоѓаат урнатините на семејната капела посветена на Света Варвара. Дневната соба е околу 90 метри квадратни и се карактеризира со два реда од шест прозорци. Горниот ред е мешавина од венецијански и ориентален стил, додека долниот ред е типичен за периодот на преродбата. На таванот е прикажано сонцето, како и дванаесет геометриски фигури кои ги симболизираат дванаесетте апостоли и дванаесетте месеци од годината. Средната просторија била резервирана за пречек на мали собири. Една спална соба има витражи и таван со бугарски, грчки, турски и ориентални мотиви. Каминот во оваа просторија е во форма на минаре со православен крст. Трпезаријата вклучува специјален шкаф која се користи за време на зделки помеѓу две лица, каде трето лице може да седи невидено; шкафот има пристап и до дневната соба. Куќата вклучува и зимска градина затворена со стакло и летна тераса со камен сончев часовник. ^[3]

Карактеристичната мелничка винарска визба била вкопана во карпата за да се формира тунел. Подрумот може да собере 300 тони вино, а најголемото буре може да собере 12,5 тони. Ходниците се релативно тесни и ниски на места, а подрумот располага со систем за вентилација и специјални канали.

Два од четирите ката на Куќата Кордопулов се направени од камен. Седум внатрешни скали ги поврзуваат подовите и заградите, а двата дрвени подови се покриени со шарени килими.