Киро Лазаревски

Киро Арсов Лазаревски ( 1916 во Руѓинце, Кумановско — 20 октомври 1944 во Треска, Скопско) — македонски партизан, борец за слобода на Македонија и учесник во НОВ.

Животопис

Произлегува од сиромашно семејство. Уште во раните години работел како кројачки работник.  Во почетокот на септември 1944 година, стапил во Третата македонска ударна бригада. Со својата бригада учествувал во борбите против окупаторот кај Свети Николе, Страцин, Велес и други места. Во борбите се истакнал како смел борец. На 20 октомври 1944 година загинал во борбата против балистичките фашистички банди во околината на Треска.