И други приказни

И други приказни (бугарски: И други истории) — збирка раскази на бугарскиот писател Георги Господинов од 2001 година, во издание на „ЖАНЕТ-45“ од Пловдив. На македонски јазик, збирката е објавена во 2006 година во издание на „Темплум“, како 44 книга во рамките на едицијата „Магма“. Преводот од бугарски јазик е дело на Никола Маџиров.

Технички одлики

Збирката е печатена во мал формат (18 сантиметри), во мек повез и има 123 страници. Книгата е каталогизирана во Народната и универзитетска библиотека Св. „Климент Охридски“ - Скопје и ја носи меѓународната ознака ISBN 9989-902-82-8. Графичкото уредување и дизајн е дело на фирмата „Точка“. На предната корица е наоѓа слика на Ман Реј, додека на задната корица е даден кус осврт врз книгата и попис на објавените книги во едицијата „Магма“.

Содржина

Збирката „И други приказни“ содржи 21 расказ, а покрај нив, на крајот од книгата е дадена куса биографија на авторот. Во збирката се застапени следниве раскази:

• Осмата ноќ
• Човекот со многуте имиња
• Први чекори
• Една втора приказна
• Приказна од железничката станица
• Кристин кој мавта од возот
• Мува во писоарот
• За вкусот на имињата
• За крадењето приказни
• Задоцнетиот подарок
• Л.
• Божикната душа на едно прасе
• Кошмарот на една дама
• Третиот
• Божури и незаборавки
• Слепата Вајша
• Жива душа
• Ковањето на бугарската обетка
• Белите гаќи на приказната
• Последна приказна за 90-те
• Гаустин