И врата

ВЛЕЗ A   B		ИЗЛЕЗ A И B
0	0	0
0	1	0
1	0	0
1	1	1

И врата, И коло или И капија (англиски: AND gate) – основна дигитална логичка врата која извршува логичка конјункција, нејзиниот излез ја следи таблицата на вистинитоста прикажана на десната страна. Логичка единица „1“ се добива само ако двата влеза се во состојба на логичка „1“.

Едноставен пример на логичката функција И се 2 прекинувачи сериски споени со батерија и светилка во струјно коло. Само ако и двата прекинувачи се вклучени (логичка „1“), струјата може да тече.

Математичко-логичко разгледување

Видете ја статијата Логичка конјункција.

Симболи

Постојат 3 симбола за И коло, обичен („воен“, „американски“), европски или правоаголен (ИЕЦ) и ДИН симбол.

Обичен И симбол (воен, американски)	Правоаголен или европски симбол	ДИН симбол

И вратата со влезови A и B и излез C го извршува логичкиот израз $C=A\cdot B$.

Изведби

И коло изведено со диоди

И коло изведено со транзистори

NMOS И коло

Вообичаено И колото се дизајнира со N-канален (на сликата) или P-канален Метал-оксиден транзистор со ефект на поле (MOSFET).

Алтернативи

Доколку на располагање нема И коло, истото може да се изведе од НИ или НИЛИ кола, бидејќи НИ и НИЛИ колата се сметаат за „универзални кола“, што значи дека истите може да се користат за да се изведат сите други.

Барано коло	Изведба со НИ кола	Изведба со НИЛИ кола

Хардверски опис и распоред на пиновите

И колата постојат во изведба со ТТЛ и CMOS изведба како интегрални кола. На сликата е прикажан пример на четирикратни И врати со по 2 влеза во дигитално ЦМОС коло.

И врати во интегралното коло 4081.

Исто така постојат интегрални кола со И врати со 3 и 4 влеза.

• 4073: Трикратна И врата со по 3 влеза
• 4082: Двократна И врата со по 4 влеза

Поврзано

• ИЛИ врата
• НИ врата
• НИЛИ врата
• ЕКСИЛИ врата
• ЕКСНИЛИ врата
• НЕ врата
• Логичко коло

Надворешни врски

• Распоред на пинови за разни дигитални кола со логички врати