Иван Пирис

Иван Родриго Пирис (роден на 10 март 1989 година) — парагвајски фудбалер, играч од одбраната на Монтереј и на парагвајската репрезентација.

Иван Пирис
Лични податоци
Роден на	10 март 1989(1989-03-10)
Роден во	Асунсион, Парагвај
Висина	&100000000000001730000001,73 м
Позиција	десен бек
Клупски податоци
Сегашен клуб	Монтереј
Број	4
Кариера*
Години	Клуб	Наст.	(Гол.)
2008–2011	Серо Портењо	41	(1)
2011-	Депортиво Малдонадо	0	(0)
2011–2012	→ Саун Пауло	20	(1)
2012-2013	→ Рома	29	(0)
2013-2014	→ Спортинг Лисабон	19	(0)
2014-2016	Удинезе	58	(0)
2016-	Монтереј	17	(0)
Репрезентација ‡
2011-	Парагвај	21	(0)
* Ажурирано на: 6 јануари 2011 ** Ажурирано на: 17 ноември 2010

Клупска кариера

Серо Портењо

Пирис помина 3 години како фудбалер на парагвајскиот гигант Серо Портењо, играјќи особено голема улога на патот на клубот кон полуфиналето на Копа Либертадорес 2011. Неговите импресивни перформанси привлекоа интерест за него од голем број на други клубови во светот, по што веднаш стана јасно дека ќе биде малку веројатно тој да остане во Серо Портењо. Пирис на крајот потпиша за бразилскиот клуб Саун Пауло за наводна сума од 2.000.000 €. Сепак, Саун Пауло купи дел од економските права на Пирис како и регистрација тој да може да игра за клубот за таа сезона, а другите права останаа во сопственост на прокси клубот Депортиво Малдонадо. Пирис потпишал за Саун Пауло на 19 јули 2011 година на 2-годишениот договор за заем.

Саун Пауло

Пирис им се придружи на неговите нови тимски колеги по Копа Америка 2011. Веднаш по трансферот потпретседателот на Саун Пауло зборуваше за неговата радост по потпишувањето на договорот со Пирис: "Веќе неколку месеци работиме тивко на доведувањето на овој играч и да се види дека работата е завршена успешно нè прави многу среќни", изјави тој за официјалното мрежно место на клубот. "Пирис е млад спортист кој има многу потенцијал. Тој дефинитивно ќе додаде одличен квалитет на нашата група." Својот прв погодок за тимот Пирис го постигна на 17 септември 2011 против екипата на Сеара, стрелајќи прецизно на минута пред крајот на првото полувреме во победата дома на неговиот клуб со 4-0.

Рома

На 1 август 2012 година, Пирис замина на заем во италијанскиот тим Рома за сума од 0.700.000 €, со опција за откупување комплетно на неговите права по крајот на сезоната 2012-2013 сезона за 4.000.000 €. Своето деби за Рома го направи во првото коло на Серија А против Катанија во натпревар што заврши без победник 2-2.

Титули

Серо Портењо

• Примера Дивисион (1) : 2009-Апертура

Надворешни врски

• (шпански) BDFA profile
• (англиски) playerhistory