Зграда на Радио Охрид
Зграда на Радио Охрид — стара куќа во градот Охрид, прогласена за културно наследство на Македонија.[1] Позната е како објектот во кој работело Радио Охрид од 1980, па сè до неговото затворање во 2016 г.
| Зграда на Радио Охрид | |
|---|---|
.jpg) Поглед на зградата | |
 | |
| Општи податоци | |
| Статус | споменик на културата |
| Вид | куќа |
| Стил | неокласичен |
| Град | Охрид |
| Земја |  Македонија |
| Завршена | XX век |
| Технички податоци | |
| Катови | 2 |
Архитектура
уредиГрадбата е ссместена на чаршиската улица „Свети Климент Охридски“ бр. 4, близу плоштадот „Крушевска Република“ со Стариот чинар. Изградена е на почетокот на XX век од непознати мајстори во неокласичен стил. Се состои од приземје, кат и мансарда. Прозорците се поделени на полиња. Во средината на централната источна фасада, на катот има крактеристичен балкон со парапет од ковано железо, потпрен на конструктивни и украсни вути направени од истиот материјал. По целата висина на приземјето има пиластри, на катот има украси околу прозорците и над балконските врати, кои се централно поставени. На аглите на катот има скромни пиластри без капители. Над приземјето и катот на источната фасада има украсни профилирани хоризонтални венци, додека пак на јужната нема венец над приземјето. На мансардата има баџи со скромно украсени триаголни тимпанони.[1]
Изградена е масивно со носечки ѕидови од полна тула, а меѓукатната и покривната конструкција се дрвени. Првобитно на приземјето имало дуќани, а катот и мансардата биле станбени. Од запад има посебен влез за станбениот дел.[1]
Есента 2015 г. со средства на Министерството за култура фасадата на е целосно реставрирана и конзервирана.[2][3] Во јули 2016 г. Радио Охрид престанало да работи.[4]
Поврзано
уредиНаводи
уреди- ↑ 1,0 1,1 1,2 „Куќа на ул. Св. Климент Охридски бр.4“. Управа за заштита на културното наследство. Архивирано од изворникот на 2017-09-06. Посетено на 5 септември 2017.
- ↑ „Почна обновата на фасадата на зградата во кое е сместено Радио Охрид“. Публицитет. 22 октомври 2015. Архивирано од изворникот на 2022-07-12. Посетено на 6 септември 2017.
- ↑ „Куќата кај Чинарот го врати својот архитектонски сјај“. Start.mk. 23 декември 2015. Архивирано од изворникот на 2017-09-06. Посетено на 6 септември 2017.
- ↑ „Згасна „Радио Охрид", најстариот охридски медиум“. Денес. 20 јули 2016. Посетено на 6 септември 2017.