Животно осигурување

Животното осигурување е еден од двата главни облика на осигурување, покрај неживотното осигурување. Овој тип на осигурување опфаќа осигурување во случај на доживување, осигурување во случај на смрт, мешано осигурување на живот, рентно осигурување и осигурување на живот со поврат на премии.

Зградата во која во 1706 г. било основано првото осигурително друштво во светот, „Пријателско општество“

Премии за Животно осигурување во светот за 2005

Животно осигурување во светот

Животното осигурување е во голема мерка застапено во светот, а особено во Западните развиени земји, каде оваа традиција трае уште од средината на 19. век. Според истражувањатата од 2007 на Swissre, водечки држави во животно осигурување се:

Држава	Вкупно премии за сите видови осигурувања (по глава на жител во US $)	Од тоа во Животно Осигурување (по глава на жител во US $)	Процент од сите видови осигурувања кој отпаѓа на Животно Осигурување
Ирска	7171	5734	79,96
Велика Британија	7114	5731	80,56
Холандија	6263	2192	35,00
Швајцарија	5741	3159	55,03
Данска	5103	3381	66,26
Франција	4178	2928	70,08
Белгија	4132	2973	71,95
САД	4086	1922	47,03
Финска	3906	3093	79,19
Шведска	3705	2640	71,26
Норвешка	3370	2439	72,37
Јапонија	3320	2584	77,83
Канада	3054	1387	45,42
Австралија	3002	1674	55,76
Германија	2662	1234	46,36
Јужна Кореја	2384	1657	69,51
Русија	209	6,1	2,91
Бразил	202	95	47,03
Кина	69,6	44,2	63,50
Индија	46,6	40,4	86,70

Извор: World Insurance in 2007 — Swissre.com

Животно осигурување во Македонија

Осигурувањето на живот во Македонија е регулирано со Законот за облигационите односи, кој во членовите од 953 до 979 и од 998 до 10121 ги регулира правата на договарачот на осигурувањето и на друштвото за осигурување, како и општите и посебните услови на друштвата за осигурување. Договорот за животно осигурување се смета за склучен кога договорните страни ќе ја потпишат полисата за осигурување. Притоа, договорот е ништовен ако неточно е пријавена староста на осигуреникот. Ако осигуреникот не плати некоја премија, друштвото за осигурување нема право да бара наплата по судски пат, друштвото може да ја намали осигурената сума или да го раскине договорот. Животното осигурување може да се однесува на животот на осигуреникот или на трето лице, а истото важи и за осигурување од несреќен случај. Но, ако осигуреникот намерно го предизвикал несреќниот случај или корисникот на осигурената сума намерно ја предизвикал смртта на осигуреникот, тогаш друштвото нема обврска да ја исплати договорената сума. Исто така, договорената сума не се исплаќа ако смртта настапила во воени операции. По барање на договарачот, друштвото за осигурување може да му исплати аванс при што договарачот е должен да плаќа камата на сумата што е исплатена однапред. Карактеристично за животното осигурување е тоа што тој може да содржи и клаузула за учество во добивката на друштвото за осигурување.

Овој вид на осигурување во Македонија правно е заснован и врз Законот за супервизија на осигурувања (Службен весник на РМ - 27/2002), а главна регулаторна државна инстанца која го контролира овој вид на осигурување, како и целокупниот пазар на осигурување во Македонија е Агенцијата за Супервизија на Осигурувања (АСО).

Заклучно мај 2019 година, пет друштва имале лиценца од АСО за работа со животно осигурување:

• Кроациа осигурување - Живот (во Македонија од 2005)
• Граве (во Македонија од 2007)
• ВИНЕР Лајф - Виена Иншуренс Груп (во Македонија од 2011)
• УНИКА Лајф (Во Македонија од 2011)
• ТРИГЛАВ Живот (Во Македонија со лиценца за Животно осигурување од 2017)

Надворешни врски

• Единствена Фејсбук страница со сите информации за Животното Осигурување во Македонија на едно место)
• Агенција за Супервизија на Осигурувања (АСО)
• Годишен извештај на АСО за 2009 за обемот на работата и премии на Осигурителните компании во Македонија Архивирано на 8 февруари 2012 г.
• Целиот текст на Законот за супервизија на осигурување
• Официјална страница на: ГРАВЕ ад Скопје Архивирано на 12 јуни 2010 г.
• Официјална страница на: КРОАЦИЈА ОСИГУРУВАЊЕ - ЖИВОТ ад Скопје Архивирано на 8 јануари 2011 г.
• Официјална страница на: ВИНЕР ЛАЈФ ад Скопје
• Официјална страница на: УНИКА ЛАЈФ ад Скопје Архивирано на 16 декември 2013 г.