Едмон де Гонкур

Едмон де Гонкур (26 мај 1822 – 16 јули 1896) — француски писател, издавач, книжевен и ликовен критичар, воедно и основач на Гонкуровата академија. Роден во Нанси, тој поголемиот дел од својот живот го посветил на пишување книжевни и ликовни рецензии, а оформил и писателски пар заедно со братот Жил де Гонкур. По смртта на Жил во 1870, Едмон продолжил да твори сам.

Едмон де Гонкур
Гонкур во 1877 (слика од Надар)
Роден/а	26 мај 1822 Нанси, Франција
Починат/а	16 јули 1896 Шампросе, Франција
Занимање	писател, издавач, книжевен и ликовен критичар
Националност	французин

Едмон го заложил сиот свој имот за да ја основа и одржува академијата Гонкур. Во чест на починатиот брат Жил де Гонкур (17 декември 1830 – 20 јуни 1870), секој декември од 1903 година академијата ја доделува „наградата Гонкур“. Тоа се смета за најпрестижна награда во француската литература, а се доделува за „најдоброто фиктивно прозно дело на годината“. Марсел Пруст, Симон де Бовоар, Мишел Турние, Маргерит Дирас, Ромен Гари и Патрик Модијано, се меѓу најпознатите добитници на наградата. Едмон починал во Шампросе во 1896, а бил закопан на гробиштата Монмартр во Париз.

Дела

Романи Sœur Philomène (1861) Renée Mauperin (1864) Germinie Lacerteux (1865) Manette Salomon (1867) Madame Gervaisais (1869) La Fille Elisa (1878) Les Frères Zemganno (1879) La Faustin (1882) Chérie (1884)

Друго Journal des Goncourt, 1851-1896 Portraits intimes du XVIIIe siècle (1857) La Femme au XVIIIe siècle (1862) La du Barry (1878) L’Art du XVIIIe siècle (1859–1875)

Надворешни врски

• Дела од Edmond de Goncourt на проектот „Гутенберг“
• Дела од или за Едмон де Гонкур на Семрежниот архив
• Блог посветен на Едмон и Жил де Гонкур