Драги Тозија
Драги Тозија (роден 4 октомври 1919 во Ресен - починат 19 март 1983 во Скопје) ― македонски партизан, политичар и општественик. Во негова чест, Домот на култура во Ресен го носи неговото име и презиме.
| Драги Тозија | ||
| Роден | 4 октомври 1919 Ресен, Кралство СХС | |
|---|---|---|
| Починал | 19 март 1983 (возр. 63) Скопје, СР Македонија, СФРЈ | |
| Националност | Југословен, Македонец | |
| Народност | Македонец | |
| Познат | Партизан во НОБ | |
| Занимање | Политичар, државник, службеник на јавни положби | |
Историја
уреди.jpg)
Тој бил партизан во движењето на НОБ за време на Втората светска војна. Тогаш бил политички комесар на XII бригада и на XXXXI дивизија. По ослободувањето, бил полковник во ЈНА.[1] Во 1944 година во Битола, кога Тозија бил член во затворскиот комитет на Комунистичката партија на Македонија, била покрената иницијатива и било издадено делото „Наш пат“ кое било списание на политичките затвореници во Битолскиот затвор, објавено на македонски јазик.[2]
Тој држел високи фунции во Министерството за внатрешни работи, во Културно-просветниот собор на Собранието на Македонија. Воедно бил член на Централниот комитет на Сојузот на комунисти на Македонија. Дополнително, Тозија бил во други општествени и политички организации и тела. Драги Тозија бил еден од основачите на Радио-телевизија Скопје и служел како нејзин прв генерален директор од 1964 до 1967 година. Има работено како директор на Републичкиот завод за заштита на спомениците.[1]
Наводи
уреди- ↑ 1,0 1,1 „Македонска енциклопедија“ (PDF). Македонска академија на науките и уметностите. 2009. стр. 1491. Посетено на 9 јуни 2021.
- ↑ „Македонска енциклопедија“ (PDF). Македонска академија на науките и уметностите. 2009. стр. 1035. Посетено на 9 јуни 2021.