Диско Димитровски
Диско Тодоров Димитровски ( 1924 во Стрезовце, Кумановско — 20 октомври 1944 во Шишево, Скопско) — македонски партизан, борец за слобода на Македонија и учесник во НОВ.[1]
Животопис уреди
Произлегува од сиромашно семејство. Завршил основно училиште, а потоа се вработил како ковач. Во потрага за заработувачка, заминал на печалба и се вработил во Сомбор. Таму се поврзал со напредни работници. Учествувал во работата на напредното движење. По окупацијата на земјата, се вратил во родниот крај и во септември 1944 година, стапил во борбените редови на Третата македонска ударна бригада. Бил учесник во нејзините борби. Кон крајот на октомври истата година, во тешката борба против балистите и Германците кај Шишево, храбро загинал.