Дејан Ристески
Дејан Ристески, попознат како Дејан Комита (роден во 1865 година во село Врбјани, општина Дебарца - починат на 12 август 1957 година во село Врбјани) бил македонски револуционер и член на Македонската Револуционерна Организација.
| Дејан Ристески | ||
| ||
| Роден | 1865 Врбјани, Охридско, Македонија | |
|---|---|---|
| Починал | 12 август 1957 Врбјани (Охридско), Македонија | |
Семејство
уредиДејан Комита бил дел од големо семејство со вкупно 8 деца - пет браќа и три сестри: Здраве, Динго, Данил, Никола, Дејан, Љубинка, Божана и Трпа, деца на Јовче и Костура. Здраве бил убиен од балистите во 1942 или 1943 година[1].
Револуционерна дејност
уредиОд многу млада возраст, со 25 години, Дејан се приклучил на Организацијата, активно учествувајќи со здружената чета на војводата Јордан Силјанов Пиперката во охридската околија. Тој имал чести средби и соработки со македонскиот револуционер Гоце Делчев, како и со македонскиот писател Григор Прличев и со својот соселанец Кузман Капидан[1].
По доаѓањето на партизаните, револуционерната дејност на Дејан Комита престанала. Во текот на својот живот, тој имал два брака. За првата жена има малку податоци; со неа имал неколку деца кои, за жал, починале. По смртта на првата сопруга, се оженил со Ристеска Спаса, вдовица која имала три деца од претходниот брак. Дејан и Спаса имале четири деца, од кои едно починало како бебе. Нивните деца се: Јовчески Бошко, Јовчески Ристе (починал како бебе), Јовческа Стојанка (близначка на Ристе) и Јовчески Лазор - кој ни ја раскажува биографијата за својот татко.
Дејан Комита во својата старост примал илинденска пензија и бил ценет и почитуван во својата заедница, пред сè заради својата праведност. Тој исто така бил прогласен за кмет на селото Врбјани, функција која ја обавувал помеѓу 10 и 15 години[1].
Покрај неговите револуционерни активности, Дејан Комита се занимавал и со сточарство и земјоделие во своето родно село, сè до својата смрт на 12 август 1957 година, на возраст од 92 години. Тој е погребан во родното село Врбјани, кај старата селска црква Свети Ѓорѓија Победоносец која датира уште од 1322 година[1].