Григориј Перелман
Григориј Јаковлевич Перелман (руски: Григо́рий Я́ковлевич Перельма́н, 13 јуни 1966) — руски математичар. Перелман имал значителни придонеси во римановата геометрија и геометриската топологија.
| Григориј Перелман | |
|---|---|
.jpg) Григориј Перелман во 1993 | |
| Роден(а) | 13 јуни 1966 Ленинград, РСФСР, Советски Сојуз |
| Живеалиште | Санкт Петербург, Русија |
| Државјанство | Руско |
| Полиња | Математика |
| Образование | Ленинградски државен универзитет |
| Теза | „Седлови површини во евклидовите простори“ (1990) |
| Докторски ментор | |
| Познат по |
|
| Поважни награди |
|
Во 1994 година, Перелман ја докажал теоремата „Душа“ во областа на диференцијалната геометрија. Во 2003 ја докажал (потврдена во 2006) хипотезата на Турстон. Со ова, следствено, била решена и пункаровата хипотеза.
Во август 2006, на Перелман му бил доделен филдсовиот медал[1] за „неговите придонеси во геометријата и неговиот револуционерен увид во аналитичката и геометриската структура на протокот на Ричи“, но тој ја одбил наградата изјавувајќи „Јас не сум заинтересиран за пари и слава и не сакам да бидам ставен на излог како животно во зоолошка градина.“[2] На 22 декември 2006 година, научното списание „Наука“, го означило доказот за пункаровата хипотеза на Перелман како научно „достигнување на годината“, прво такво признание во областа на математиката.[3]
На 18 март 2010 година, било најавено дека Перелман го постигнал критериумот за добивање на првата награда за милениумски проблем на математичкиот институт Клеј[4] поради решението на пункаровата хипотеза. На 1 јули 2010 година, тој ја одбил наградата во вредност од 1 милион долари, велејќи дека одлуката на одборот на математичкиот институт Клеј не била фер и дека неговото решение на пункаровата хипотеза не било поголемо од она на Ричард Хамилтон, математичарот кој бил пионер на протокот на Ричи со цел решавање на пункаровата хипотеза.[5][5][5][6][6] Перелман исто така ја одбил престижната награда на европското математичко друштво.[7]
Наводи
уреди- ↑ „Fields Medals 2006“. International Mathematical Union (IMU) - Prizes. Архивирано од изворникот на October 9, 2006. Посетено на April 30, 2006.
- ↑ „Russian maths genius Perelman urged to take $1m prize“. BBC News. March 24, 2010.
- ↑ Dana Mackenzie (2006). „Breakthrough of the year. The Poincaré Conjecture—Proved“. Science. 314 (5807): 1848–1849. doi:10.1126/science.314.5807.1848. PMID 17185565.
- ↑ „The Poincaré Conjecture“. Архивирано од изворникот на July 5, 2014. Посетено на May 1, 2014.
- ↑ 5,0 5,1 5,2 „Последнее "нет" доктора Перельмана“. Interfax. July 1, 2010. Архивирано од изворникот на July 2, 2010. Посетено на July 1, 2010.
- ↑ 6,0 6,1 Malcolm Ritter (July 1, 2010). „Russian mathematician rejects $1 million prize“. AP on PhysOrg. Архивирано од изворникот на January 17, 2012. Посетено на May 15, 2011.
- ↑ „Maths genius declines top prize“. BBC News. 22 August 2006. Архивирано од изворникот 15 August 2010.