Големиот бран кај Канагава

Големиот бран кај Канагава (јапонски: 神奈川沖浪裏, Хепбернски: Kanagawa-oki Nami Ura, букв. „Под бранот кај Канагава“), исто така познатa како Големиот бран или едноставно Бранот, ― печатено дело на дрвен блок од јапонскиот уметник по укијо-е Кацушика Хокусај. Била издадена некогаш помеѓу 1829 и 1833 година во доцниот период Едо како првото печатено дело во серијалот на Хокусај, „Триесет и шест погледи на планината Фуџи“. Сликата прикажува огромен бран кој се заканува на три јамци крај брегот на Заливот Сагами (Префектура Канагава) додека планината Фуџи се крева во позадина. Понекогаш се претпоставува дека е цунами, бранот повеќе личи да е голем задивен бран.

Големиот бран кај Канагава

Печатена единица во музејот Метрополитен (JP1847)
Творец	Кацушика Хокусај
Година	1831
Вид	дрвен блок во боја
Димензии	25.7 см × 37.8 см
Место	Повеќе

Тоа е најпознатото дело на Хокусај и често се смета за најпрепознатливо дело на јапонската уметност во светот.

Претходници

Од шеснаесеттиот век, фантастичните прикази на брановите што се удираат на карпестиот брег се насликани на преклопувачките прикази познати како „прикази со груби мориња“ (арисо бјобу). Хокусај нацртал многу бранови во текот на целата своја кариера; потеклото на „Големиот бран“ може да се пронајде во текот на триесет години. Комбинацијата од бран и планина била вдахната од маслена слика од Кокан Шиба, уметник под силно влијание на западната уметност, особено холандските слики, што ги видел во Нагасаки, единственото пристаниште отворено за странци во овој период. „Поглед на плажата од седум лиги“ на Кокан, била изготвена во средината на 1796 година и била изложена јавно во храмот Атаго во Шиба. Печатеното дело на Хокусај, „Пролетно време во Еношима“, за кое тој придонел во поетската антологија „Врбјата гранка“, објавена во 1797 година, е јасно изведено од делото на Кокан, иако бранот во верзијата на Хокусај е кренат значително.

Композиционо поблиску до „Големиот бран“ се два претходни печатени дела од Хокусај: „Поглед на Хонмуку покрај Ханагава“ (Kanagawa-oki Honmoku no zu) ( ок. 1803) и „Товарен брод минувајќи низ бранови“ (Oshiokuri Hato Tsusen no Zu), ( ок. 1805 ) Двете дела имаат теми идентични на „Големиот бран“ со чамци среде бура, под големиот бран што се заканува да ги проголта. Во претходното печатено дело, сцената на гледачот изгледа дека е сведок на сцената од безбедно растојание, додека во втората, Хокусај се приближува до „Големиот бран“ со суптилно подигнување на гледиштето и ставање на гледачот скоро во бродот со веслачите. Сепак, не е целосно успешен, со бранот што се издига како карпа и има изглед на тврда маса.

Слика

Опис

Ова печатено дело е јоко-е, односно пејзажен формат направено до големина на обан, околу 25 см високо на 37 см широко.

Составот се состои од три главни елементи: морето разбранувано од бура, три брода и една планина. Го вклучува потписот во горниот лев агол.

Планината

Планината со снежен врв е планината Фуџи, која во Јапонија се смета за света и симбол на националниот идентитет како и симбол на убавината. Планината Фуџи е иконска фигура во многу јапонски претстави на познати места (меишо-е), како што е случај во серијалот на Хокусај, „Триесет и шест погледи на планината Фуџи“, што се отвора со сегашната сцена.

Темната боја околу планината Фуџи се чини дека укажува на тоа дека сцената се случува рано наутро, со сонцето кое изгрева од зад набљудувачот, осветлувајќи го снежниот врв на планината. Додека облаците од кумулонимбус се чини дека висат на небото меѓу гледачот и планината Фуџи, нема дожд да се види ниту во преден план, ниту на планината Фуџи, што и самата се појавува целосно без облак.

На сцената има три ошиокури-буне, брзи бродови кои се користат за превоз на живи риби од полуостровите Изу и Баосо до пазарите на Едоскиот Залив. Како што покажува името на делото, чамците се наоѓаат во префектурата Канагава, со Токио на североисток, планината Фуџи на запад-северозапад, заливот Сагами на север-северозапад и Токискиот Залив на исток. Чамците, сместени западно од полуостровот Миура, се ориентирани кон југ-југоисток, се враќаат во главниот град, околу полуостровот Миура.

Има осум веслачи по брод, фатени за веслата. Има уште двајца патници пред секој брод, со што вкупниот број на човечки ликови на сликата достигнува триесет. Сепак, видливи се само 22 луѓе. Користејќи ги чамците како мерка, може да се процени големината на бранот: Бродовите главно биле помеѓу 12 и 15 м долги, и забележувајќи дека Хокусај ја истегнува вертикалната скала за 30%, бранот мора да биде помеѓу 10 и 12 м висок.

Море и бранови

Морето доминира во составот како бран што се протега на пат да се распрсне. Во мигот фатен на оваа слика, бранот створа круг околу средината на дизајнот, врамувајќи ја планината Фуџи во позадина.

Едмон де Гонкур го опишал бранот на овој начин:

Андреас Рамос, писател, забележал:

Потпис

Потписот на Хокусај.

„Големиот бран кај Канагава“ има два натписи. Првиот, во рамките на правоаголна картуш во горниот лев агол е насловот на серијалот: „冨嶽三十六景/神奈川冲/浪裏„ Fugaku Sanjūrokkei / Kanagawa oki / nami ura, што во превод значи„ Триесет и шест погледи на планината Фуџи/Крајбрежје од Канагава /Под бранот“. Вториот натпис, лево, е потпис на уметникот:北斎改爲一筆Hokusai aratame Iitsu hitsu, („Од четката на Хокусај, менувајќи го своето име во Ицу“).

Во текот на својата кариера, Хокусај користел повеќе од 30 различни имиња, секогаш започнувајќи нов циклус на дела со тоа што го менувал и им дозволувал на своите ученици да го користат претходното име.

Во своето дело „Триесет и шест пати на планината Фуџи“ тој користел четири различни потписи, тоа се менува во зависност од фазата на работа: Hokusai aratame Iitsu hitsu, zen Hokusai Iitsu hitsu, Hokusai Iitsu hitsu and zen saki no Hokusai Iitsu hitsu.

 

Извори

• Bayou, Hélène (2008). Hokusai, 1760–1849: l'affolé de son art: d'Edmond de Goncourt à Norbert Lagane. Connaissance des Arts. ISBN 978-2-7118-5406-6.
• Bibliothèque nationale de France (2008). Estampes japonaises: images d'un monde éphémère. Bibliothèque nationale de France, Fundação Caixa Catalunya. ISBN 978-84-89860-92-6.
• Calza, Gian Carlo (2003). Hokusai. Phaidon. ISBN 978-0714844572.
• Clark, Timothy (2001). 100 Views of Mount Fuji. British Museum Press. Архивирано од изворникот на 2019-09-17. Посетено на 2021-07-15.
• Delay, Nelly (2004). L'estampe japonaise. Hazan. ISBN 978-2-85025-807-7.
• Fleming, John; Honour, Hugh (2006). Historia mundial del arte. Ediciones Akal. ISBN 978-84-460-2092-9.
• Forrer, Matthi (1996). Hokusai. Bibliothèque de l'image.
• Forrer, Matthi (2003). „Western Influences in Hokusai's Art“. Во Calza, Gian Carlo (уред.). Hokusai. Phaidon. ISBN 978-0714844572.
• Guth, Christine (2009). Arte en el Japón Edo. Ediciones Akal. ISBN 978-84-460-2473-6.
• Guth, Christine M. E. (December 2011). „Hokusai's Great Waves in Nineteenth-Century Japanese Visual Culture“ (PDF). The Art Bulletin. 93 (4): 468–485. doi:10.1080/00043079.2011.10786019.
• Hartman Ford, Elise (2005). Frommer's Washington. John Wiley and Sons. ISBN 978-0-7645-9591-2.
• Hillier, Jack (1970). Catalogue of the Japanese paintings and prints in the collection of Mr. & Mrs Richard P. Gale, Tomo II. Routledge & K. Paul. ISBN 978-2-7118-5406-6.
• Kobayashi, Tadashi; Harbison, Mark (1997). Ukiyo-e: an introduction to Japanese woodblock prints. Kodansha International. ISBN 978-4-7700-2182-3.
• Lane, Richard (1962). L'Estampe japonaise. Aimery Somogy.
• Nagata, Seiji; Bester, John (1999). Hokusai: Genius of the Japanese Ukiyo-e. Kodansha International. ISBN 978-4-7700-2479-4.
• Sueur-hermel, Valérie (2009). Henri Rivière: entre impressionnisme et japonisme. Bibliothèque nationale de France. ISBN 978-2-7177-2431-8.
• Weston, Mark (2002). Giants of Japan: The Lives of Japan's Most Influential Men and Women. Kodansha America. ISBN 978-1-56836-324-0.

Надворешни врски

• Големиот бран кај Каганава од Кацушика Хокусај на Ризницата ^?

• Профил на Големиот бран кај Канагава на Музејот Метрополитен во Њујорк
• Аудио-датотека на Би-Би-Си - Историја на светот во 100 предмети
• Студија за изворна работа спротивна на разни копии од различни издавачи
• Големиот бран (правење печатени дела од дрвен блок) Чекор-по-чекор видео серија за пресоздавање на делото од Дејвид Бул

Оваа статија е за предмет чуван во Британскиот музеј. Ознаката на предметот е 3097579.