Влахини Езера

Влахини Езера ― група од шест езера, од кои пет се постојани, во планинскиот венец Пирин во Пиринскиот дел на Македонија, денес во Бугарија, 1,5 км југозападно од Вихрен.^[1]^[2] Езерата го добиле името по селото Влахи, кое се наоѓа на помала надморска височина. Други имиња на езерата се Вихренски и Елтепски Езера.

Прво и најголемо езеро е Големото Влахино Езеро со 2.302 м. Неговата големина е 400x245 м, со површина од 23,4 декари и длабочина од 13,4 м. Капацитетот на вода е 421.000 м³.
Подолу се наоѓа на 2.300 м најмалото езеро со големина 68x50 м, површина од 3 декари, длабочина од 8,4 м и волумен од 10.000 м³.
Третото езеро е на 300 м од Големото Влахинско Езеро на иста кота како второто езеро. Издолжена е (145x100 м), но многу плитка - до 0,8 м. Капацитетот на вода е 4.400 м³.
И четвртото езеро (2.291 м) е издолжено (245x56 м) и има површина од 10 декари. Количината на вода е само 9.000 м³.
Петтото езеро е на најголема надморска височина меѓу постојаните езера во планините, на источните падини на ридот Гредаро.

Шестото езеро е на највисока кота и е најмало по површина меѓу групата.

Во езерата може да се најде балканска пастрмка ( радичка пастрмка). Водата се излева како Влахина Река, притока на Струма.

Наводи

↑ „Vlahini Lakes - in the Pirin Mountain“. Lucky Bankso (англиски). јули 2018. Посетено на 5 август 2023.
↑ „Пирин и неговите бистри езера - статия за България“. nasamnatam.com (англиски). Посетено на 5 август 2023.