Вирунга

планински венец во Источна Африка

Вирунга (или Муфумбиро[1]) — венец вулкански планини во Источна Африка долж северната граница на Руанда, ДР Конго и Уганда. Венецот е огранок на планините на Албертскиот Срт, кои се граничат со западниот ракав на Источноафриканскиот Расед. Сместени се меѓу езерата Едвардово и Киву. Името е видоизменета англизирана верзија на руандскиот збор ibirunga, што значи „вулкани“.

Вирунга
Врвот на Микено
Највисока точка
ВрвКарисимби
Надм. височина4.507 м
Величина
Должина80 км [1]
Географија
Земји Демократска Република Конго,  Руанда и  Уганда
Мухабира, Гахинга, Карисимби, Сабјињо и Микено.

Веригата се состои од осум поголеми вулкани, од кои највеќето се заспани, Исклучок се Њирагонго (3.462 м) и Њамурагира (3.063 м), обете во ДР Конго, со нивните избиви во 2006 и 2010 г. Највисок вулкан е Карисимби со 4.507 м, а најстар е Сабјињо, кој се издига на 3.634 м надморска височина.

Планините се дом на планинската горила, која се води како критично загрозена на Црвениот список на МСЗП поради губиток на живеалиштето, криволовство, болести и војување[2]. Меѓу планините Карисимби и Бисоке е сместен Истражувачкиот центар „Карисоке“, основан од американскиот зоолог Дајан Фоси за изучување на овие животни.

Планини во венецотУреди

Планина Земја Висина (м)
Карисимби   Руанда /   Демократска Република Конго 4.507
Микено   Демократска Република Конго 4.437
Мухабура   Руанда /   Уганда 4.127
Бисоке   Руанда /   Демократска Република Конго 3.711
Сабјињо   Руанда /   Уганда /   Демократска Република Конго 3.674
Гахинга   Руанда /   Уганда 3.474
Њирагонго   Демократска Република Конго 3.470
Њамурагира   Демократска Република Конго 3.058

Национални парковиУреди

ПоврзаноУреди

НаводиУреди

  1. 1,0 1,1 ВирунгаЕнциклопедија Британика (англиски)
  2. Butynski et al. 2003

Надворешни врскиУреди

Координати: 01°25′45″S 29°32′54″E / 1.42917° S; 29.54833° E / -1.42917; 29.54833