Рогач

Рогач (науч. Ceratonia siliqua) — цветна грмушка или зимзелено дрво кое што припаѓа на семјеството Бобови (Fabaceae), се одгледува за неговите плодови и како украсно дрво во градините. Поднесува температури во текот на зимскиот период до -6 °C. Исто така е познат по името „Лебот на свети Јован", според преданието, Јован Крстител се хранел од него додека живеел во пустина.

Рогач
Рогачови мешунки на дрво
Научна класификација [ у ]
Царство:	Растенија
клад:	Скриеносеменици
клад:	Евдикоти
клад:	Розиди
Ред:	Бобовидни
Семејство:	Бобови
Род:	Рогачи
Вид:	Рогач
Научен назив
Ceratonia siliqua L.
Распространетост      ✖ Домородно и изолирани населенија вкл. како археофит

Дрвото потекнува од Средоземјето, вклучувајќи ги и Јужна Европа, Северна Африка, поголемите средоземните острови, Западна Азија, Канарските Острови и Макаронезија. Присутно е во Македонија.

Потекло на поимот

Ceratonia Siliqua, научното име на дрвото рогач, потекнува од грчкиот збор „керас" - „κέρας" (рог) и латинскиот збор „Siliqua" (мешунка). Поимот „карат“ како единица за маса на скапоцени камења, исто така потекнува од старогрчкиот збор κεράτιον, осврнувајќи се на древната пракса од Блискиот Исток, златото и скапоцените камења да се мерат со семките на рогачот кои имаат рамномерна маса (0,2 г). Денес каратот е стандардизиран и изнесува токму 0,2g. Рогачот се јадел во Стариот Египет, тој често се користел како засладувач. Бил користен во хиероглифите за зборот „слатко“ (неџем).

Употреба

Рогач се користи со векови како важен извор на храна за човекот и за исхрана на добитокот. А многу добра опција е дека плодовите се во можност да опстанат на дрво со години, иако суви, но сепак употребливи. Се користел како засладувач, сè до појавата на вештачки засладувачи. Исто така се користи како замена за какао.

Галерија

• 
  Листовите на рогач
• 
  Женско цвеќе
• 
  Машко цвеќе
• 
  Зелени и зрели мешунки
• 
  Семки и зрели мешунки