Аоре
Аоре (бислама: Aore) е остров во покраината Санма во островската држава Вануату.[1] Островот се наоѓа спроти Луганвил, помеѓу островите Еспириту Санто и Мало. Источно од островот се островите Бокиса и Тутуба. Доминантен јазик на островот е аорејскиот јазик.
| Аоре Aore | |
|---|---|
| остров | |
 Поглед кон Аоре. | |
| Држава |  Вануату |
| Покраина | Санма |
| Површина | |
| • Вкупна | 57,6 км2 (222 ми2) |
| Најг. вис. | 122 м |
| Население (2009) | |
| • Вкупно | 556 |
| • Густина | 0,97/км2 (2,5/ми2) |
| Час. појас | VUT (UTC+11) |
Географија
уредиВкупната површина на островот е 58 км2. Просечната надморска висина на островот е 89 метри.[2][3][4] Островот има тропска клима со просечни годишни врнежи од 3000 мм. На островот често има циклони.
На западниот брег има два залива, Аимбуеј и Порт Бениер. Од Санто е одделен со каналот Сегонд. Покрај јужниот брег на Аоре се наоѓаат малите островчиња: Ратуа со уште две мали островчиња (Малевату) и карпи и островчето Векеса или Пурумамаса.
Туризам
уредиГлавни туристички активности на островот се риболов и нуркање. На Аоре има бројни ресорти кои се наменети за туристи, но и за свечени церемонии како свадби и крштевки. Во близина на брегот има и потонати бродови кои се примамливи за нуркачите. Туризмот и плантажите се главни стопански гранки на островот.
Религија
уредиНа Аоре е активна адвентистичка црква. На островот има и Адвентистичка академија, која има и образовни цели.
Наводи
уреди- ↑ „Vanuatu“. Haos Blong Volkeno. Архивирано од изворникот на 2018-08-08. Посетено на 8 August 2018.
- ↑ „Aore, Vanuatu“. Elevation Map. Архивирано од изворникот на 2021-05-12. Посетено на 8 August 2018.
- ↑ „Surrounding Islands“. Espiritu Santo Tourism. Архивирано од изворникот на 2020-03-21. Посетено на 17 August 2018.
- ↑ „UNEP Islands Directory“. Архивирано од изворникот на 2012-08-13. Посетено на 2020-04-15.