Васко Панчаровски
Васко Панчаровски (Габреш, Костурско, 1932 - Торонто, Канада, 11 април 2009) бил канадски и македонски хуманист, еден од најголемите борци за македонските човечки права во дијаспората.[1]
| Васко Панчаровски | ||
| Роден | 1932 Габреш, Костурско,  Грција
| |
|---|---|---|
| Починал | 11 април 2009 Торонто,  Канада | |
| Занимање | хуманист и општественик | |
Животопис уреди
Панчаровски е роден е во село Габреш, Костурско во 1932 година. Ја доживува голготата на децата-бегалци од Граѓанската војна во Грција, жртви на грчкиот монархофашизам. Живеел во Чехословачка сè до доаѓањето во Канада, а дипломирал историја и географија на Универзитетот во Прага. Придонесот на Панчаровски во борбата за правата на Македонците во соседните земји е огромен. Тој во почетокот на 90тите години на XX век бил еден од основачите на Македонското интернационално движење за човечки права и иницијатор за формирање на Здружението на децата-бегалци од Егејскиот дел на Македонија на северноамериканскиот континент. Починал во Торонто, Канада на 77 годишна возраст на 11 април 2009 година.[2]
Наводи уреди
- ↑ Ристова, Лилјана (22 април 2009). „Кој беше Васко Панчаровски“. Утрински Весник. Посетено на 2011-12-05.
- ↑ „Почина хуманистот Васко Панчаровски“. Дневник. 12 април 2009. Посетено на 2011-12-05.[мртва врска]