Бркови (група)

Бркови е хрватски турбофолк - панк рок бенд од Загреб. Тие на хумористичен начин ги комбинираат далечните жанрови во мелодична целина. Од турбофолкот, тие користат емотивни текстови во комбинација со жестокоста на панк рокот и моќта на хеви металот. Нивните простодушни текстови се проникнати со директен стил на свирење.

Бркови
Потекло	Загреб, Хрватска
Жанр(ови)	панк рок турбофолк хеви метал „punk-folk-wellness“
Години на активност	2004 – денес
Мрежно место	http://www.brkovi.com/
Членови	Шамсо 69 – вокал Шарац – тапани Томац – бас Влајко – гитара Пас – гитара
Поранешни членови	Гига – вокал Жорж – гитара Прасац – гитара

Тие издаваат албуми самостојно, без посредство на издавачка куќа. Сметаат декa не им треба издавачка куќа за промоција на албуми, самите ја вршат целата работа поврзана со целокупната организација. Како причина го наведуваат присуството на интернетот, како и фактот дека доколку склучат договор со издавачка куќа, нема да можат да понудат албуми за бесплатно преземање, што и сакаат да го направат. Сите нивни албуми може да се преземат во целост во mp3 формат на нивната официјална веб-страница (за ниска цена може да се купат и во веб-продавницата!). Албумите се печатат во стандарден ЦД формат и се дистрибуираат на концерти. Бркови се вистински панк рок бенд според другите карактеристики. Наместо со вистински имиња, тие се претставуваат со прекари, бесплатно нудат албуми, текстовите на песните се навредливи и сексистички. Сепак, овој бенд ги заменува вообичаените општествени и политички теми на панкот со љубовни текстови типични за турбофолк и забавна музика. Сегашниот пејач Шамсо 69 му се приклучил на бендот во 2007 година. кога го заменил првиот пејач. Тој е автор на повеќето текстови.

Видот на музика што ја свиреле Бркови, претходно ја свиреле претежно босански бендови како што се Ватрени полиљубац и Нервозни поштар. До сега имаат издадено седум студио албуми и компилацискиот албум Бркати гости, на кој различни бендови (Atheist Rap, SARS, Shoemaker Tripper, Kiša metaka, Motus, ST!llness, Mašinko, итн.) свират кавери на нивните песни.

Дискографија

• punkfolkwellness (2009)
• Društvo brkatih mladića (2010)
• Balkanski Esperanto (2011)
• Brkati gosti (2013)
• Pizda materina (2014)
• Torzo Dade Topića (2016)
• Hormon sreće (2018)
• Brkovi su da se vole (2020)
• Krvava Novčanica (2023)