Блејд (филм од 1998)
Блејд (англиски: Blade) — акционен суперхеројски филм од 1998 г. со елементи на филм на ужасите, работен наслов „Блејд, убиецот на вампири“. Бил заснован на истоимената серија стрипови од 70-тите на Marvel Comics. Ова е првиот дел од франшизата „Блејд“. Главните улоги ги толкуваат Весли Снајпс и Стивен Дорф. Во 2002 г., било објавено продолжението на овој филм, Блејд 2, а во 2004 г., третиот дел, Блејд: Тројство.
| „Блејд“ | |
|---|---|
.jpg) Плакатот на македонски јазик | |
| Режисер | Стивен Норингтон |
| Продуцент | Питер Франкфурт Весли Снајпс Роберт Енглмен |
| Сценарист | Дејвид С. Гојер |
| Главни улоги | Весли Снајпс Стивен Дорф Крис Кристоферсон Н'Буш Рајт Донал Лог Сена Лејтан Арли Ховер |
| Музика | Марк Ишам |
| Кинематографија | Тео ван де Санде |
| Монтажа | Пол Рубел |
| Студио |
|
| Дистрибутер | New Line Cinema |
| Премиера | 21 август 1998 г. |
| Времетраење | 120 минути[1] |
| Земја |  САД |
| Јазик |
|
| Буџет | 45 милиони долари[2] |
| Бруто заработка | 131,2 милиони долари |
| Следен | Блејд 2 |
Во филмот, Блејд е дампир (хибрид човек и вампир) со вампирски сили, но без некои од нивните слабости, како што се лук, сребро и сончева светлина, кој заедно со неговиот наставник Абрахам Вистлер и хематологот Карен Џенсон се бори против вампирите, конкретно со злобниот Дикон Фрост.
Објавен на 21 август 1998 г., Блејд имал трговски успех, со заработка од 70.000.000 долари на американските киноблагајни и 61.200.000 долари ширум светот. И покрај мешаните одзиви од кинокритичарите, филмот нашол на многу потврден прием кај публиката и оттогаш станал култен класик. Блејд исто така се смета за една од препознатливите улоги на Снајпс.[3]
Успехот на оригиналот го започнал успехот на филмовите на Marvel и ги поставил темелите за понатамошни адаптации на стрипови.[4]
Содржина
уредиЈунакот на филмот е Блејд — получовек, полувампир што им се одмаздува на „крвопијците“ за смртта на мајка си, која тие ја каснале за време на бременоста. Тој е вооружен со меч направен од титанска легура и пука со сребрени куршуми од автомат, ги има сите способности на вампир — натчовечка сила, брзина, умешност и живост, но не е оптоварен со нивните слабости — не се плаши од светлина, лук, сребро и иако е жеден за крв, се справува со тоа со посебен серум. Блејд исто така старее како обичен човек, за разлика од вампирите, кои се практично бесмртни.
Неговото вистинско име е Ерик Брукс, но го добил прекарот Блејд (англ. Blade — сечило) поради неговото мајсторство со особен меч. Самите вампири го нарекуваат „Дневниот Скитник“ поради неговата способност да издржи сончева светлина, која е разорна за другите вампири. Тој не се претвора целосно во вампир само благодарение на синтетичкиот серум, чии периодични инјекции ја одржуваат неговата живост и ја намалуваат неговата жед за крв за некое време.
Блејд бил одгледан и испратен да се бори против вампирите од Абрахам Вистлер, кој го снабдувал со разни видови оружја; Вистлер бил каснат и заробен од вампири. На Блејд му помага и д-р Карен Џенсон, која ја спасил од вампир.
Главниот противник на Блејд и виновникот за неговата судбина — харизматичниот вампир Дикон Фрост. Фрост е млад преобратен вампир што е толку самољубив што не сака да го прифати фактот дека преобратениците се слуги на највисоката елита на чистокрвни вампири. Овој агресивен водач успеал да го собере својот круг и имал намера да ја собори елитата, земајќи ги уздите на заедницата во свои раце. Во тоа требало да му помогне повиканиот дух на демон, митскиот вампирски бог Ла Магра, што ќе му овозможи да стане имун на светлина, но ритуалот ја барал крвта на полувампирот Блејд. Фрост го убива водачот на елитата Драгонети и ја презема власта над крвопијците, а потоа подготвува ритуал за будење на Ла Магра. За време на ритуалот, речиси безкрвниот Блејд ја враќа својата сила и го уништува Фрост-Ла Магра со помош на антикоагулант измислен од Карен Џенсон.
Последната сцена на филмот се одвива во снежната Москва, каде што засолниште нашле другите членови на огромната заедница на вампири.
Улоги
уреди| Глумец | Улога |
|---|---|
| Весли Снајпс | Ерик Брукс / Блејд |
| Крис Кристоферсон | Абрахам Вистлер |
| Стивен Дорф | Дикон Фрост |
| Н'Буш Рајт | д-р Карен Џенсон |
| Донал Лог | Квин |
| Удо Кир | Гитано Драгонети |
| Трејси Лордс | Ракел |
| Сена Лејтан | Ванеса Брукс |
| Арли Ховер | Меркјури |
| Кевин Патрик Волс | полицаецот Кригер |
| Тим Гини | д-р Кертис Веб |
| Ерик Едвардс | Перл |
Наводи
уреди- ↑ „BLADE (18)“. British Board of Film Classification. September 18, 1998. Архивирано од изворникот March 6, 2016. Посетено на April 29, 2015.
- ↑ Allstetter, Rob (August 1997). „Special Report: Blood on the Big Screen“. Wizard (72). стр. 122–3.
- ↑ „Marvel reboots Blade without Wesley Snipes“. Digital Spy (англиски). 2019-07-21. Архивирано од изворникот на 2020-10-01. Посетено на 2022-01-26. Занемарен непознатиот параметар
|deadlink=(се препорачува|url-status=) (help) - ↑ Daniel Frazier (2014-01-14). „5 Lessons Blade Taught Studios About Superhero Movies (They Have Clearly Forgotten)“. WhatCulture.com (англиски). Архивирано од изворникот на 2022-01-26. Посетено на 2022-01-26. Занемарен непознатиот параметар
|deadlink=(се препорачува|url-status=) (help)
Надворешни врски
уреди- Блејд (филм од 1998) на
Семрежната филмска база на податоци (англиски)
