Ајкула (филм)

Ајкула (англиски: Jaws, буквално: Челусти) — американски трилер во режија на Стивен Спилберг, кој е адаптација на истоимениот роман од Питер Бенчли. Во приказната, гигантска човекојадска ајкула ги напаѓа туристите на островот Амити, измислен туристички град во Нова Англија, што го тера началникот на месната полиција да ја фати со помош на морски биолог и професионален ловец на ајкули. Во филмот играат: Рој Шајдер како началникот на полицијата Мартин Броди; Роберт Шо како ловецот на ајкули Квинт; Ричард Драјфус како морскиот биолог Мет Хупер; Мареј Хамилтон како Лери Вон, градоначалникот на островот Амити; и Лорејн Гери како Елен, сопругата на Броди. За сценариото на филмот се заслужни и Бенчли, кој ги напишал првите нацрти на сценариото, и глумецот и писател Карл Готлиб, кој го преработил сценариото за време на снимањето.

„Ајкула“
Плакатот на македонски
Режисер	Стивен Спилберг
Продуцент	Ричард Д. Занук Дејвид Браун
Главни улоги	Рој Шајдер Роберт Шо Ричард Драјфус Лорејн Гери Мареј Хамилтон
Музика	Џон Вилијамс
Кинематографија	Бил Батлер
Монтажа	Верна Филдс
Студио	Zanuck/Brown Company Universal Pictures
Дистрибутер	Universal Pictures
Премиера	20 јуни 1975 г.
Времетраење	124 минути
Земја	САД
Јазик	англиски + македонски (титла)
Буџет	9 милиони долари
Бруто заработка	476,5 милиони долари

Содржина

Кога човекојадска ајкула предизвикува неред во заедница на плажа на островот Амити, местен началник, морски биолог и стар морепловец се здружуваат за лов по ѕверот.

Улоги

Глумец	Улога
Рој Шајдер	Мартин Броди
Роберт Шо	Квинт
Ричард Драјфус	Мет Хупер
Лорејн Гери	Елен Броди
Мареј Хамилтон	Лери Вон

Надворешни врски

• Ајкула на Rotten Tomatoes

• Jaws на Семрежната филмска база на податоци (англиски)
• Jaws на Box Office Mojo