Анонимус (група)
Анонимус (англиски: Anonymous, што значи „анонимен“) е хактивистичка група која се појави во 2003 година како неформална мрежа која се бори против цензурата на интернетот, а некои експерти ја сметаат и за наследник на мрежното место Викиликс[2]. Групата најчето напаѓа мрежни места кои, според нивното мислење, дејствуваат на штета на слободата на интернетот.
 Знамето ја пренесува симболиката поврзана со Анонимус. Сликата на "костум без глава" претставува организација без водач и анонимност [1] | |
 Поединци се појавуваат во јавноста како Анонимус, носат маски на Гај Фокс, популаризирана од графичкиот роман и филм V for Vendetta | |
| Основана | 2003–денес |
|---|---|
| Вид | Интернет феномен Виртуелна заедница Здружение |
| Цел | Интернет активизам Интернет трол Антиглобализам кибервојна |
| Регион | Глобално |
| Членство | Група за притисок |
Активност
уредиОд активноста на Анонимус настрадале платните системи Visa, Mastercard, кои ги замрзнале сметките на Џулијан Асанж, како и PayPal, бидејќи одбил да прима переводи на името на Асанж [3] . Освен тоа, на напади биле подложени вдомувачот Amazon, швајцарските банки PostFinance, EveryDNS, мрежното место на шведскаото обвинителство и мрежното место на поранешниот гувернер на Алјаска, Сара Пејлин.
Акцијата за заштита на мрежното место Wikileaks Анонимус нарекуваат операција «распали". Нападите на Анонимус се изведуваат со програмата LOIC.
Нападите на Анонимус се засилуваат по затворањето на мрежното место на коешто се разменуваа податотеки Мегааплоад. Мрежните места на американските владини институции, како и тие на големите музички и филмски корпорации во САД, една недела постојано биле хакирани од групата „Анонимус“, која се одмаздувала за апсењето на најпознатиот светски хакер Ким Дотком Шмиц, кој беше уапсен во петокот во Оукленд, Нов Зеланд. Шмиц е обвинет во САД дека преку своето мрежно место „Мегааплоуд“ им овозможил на корисниците бесплатно да преземаат филмови, музика, книги и апликации од интернет, со што тој нелегално заработил 175 милиони долари, а ги оштетил сопствениците на пиратираните авторски права за над половина милијарди долари.
„Анонимус“ упаднаа на мрежните места на повеќе државни институции, меѓународни организации и политички партии низ светот, обвинувајќи ги дека ги задушуваат слободата и демократијата. Омиленото оружје на „Анонимус“, кои се борат за слобода на интернетот, не е класичното хакирање на страницата, туку пренасочување на сообраќајот кон посакуваната страница, која поради големиот прилив на корисници на таа адреса, се блокира.
Во јануари 2011 година во Велика Британија се уапсени пет хакери од групата "Анонимус". Во 2011 година "Анонимус" објавиле дека започнале координирани напади врз мрежното место на владата на Египет. Од активностите на хакерите биле настрадале ресурси на египетското министерство на информациите. На 21 јуни 2011 година "Анонимус" се обединиле со хакерската група LulzSec, поради сличните ставови, а на 4 јули и со хакерите од The Script Kiddies.
Во јули 2011 година „Анонимус“ објавуваат тајни податоци, украдени од опслужувачот на американската консултанска компанија Booz Allen Hamilton. Групата истакнала дека тоа е направено со цел да се покаже слабоста на системите за заштита, користени од фирмата во сопствените мрежи.
„Анонимус“ се вклучија во протестот окупирај го Вол стрит заканувајќи се дека ќе напаѓаат мрежното место на Њујоршката берза (NYSE). На 11 октомври со DDoS напади тие успеаја за еден час да ја нарушат работата на мрежното место.
Напади
уреди
- “Анонимус” го нападна мрежното место на американската служба за разузнавање ЦИА. Хакерите го срушиле мрежното место и потоа објавиле на својот твитер профил. Тие напишале “CIA TANGO DOWN". Неколку часа по нападот страницата на ЦИА не беше достпана за користење.
- „Анонимус“ го урна мрежното место на Меѓународната полициска агенција (Интерпол), само еден ден откако упадна и на мрежното место на американската Централна разузнавачка агенција (ЦИА). Уривањето на страната на Интерпол следи како знак на протест со кој "Анонимуси" сакаа да укажат на "штетноста на Договорот за заштита на авторксите права на интернет (АКТА)".
- „Анонимус“ објавија дека извршиле напад на мрежните места на бизнис центарот за заштита на потрошувачите ФТК и Националната недела за заштита на потрошувачите. Двете мрежни места се заменети со видео запис на германски јазик, исмејувајќи го Трговскиот договор за борба против пиратеријата, познат како АКТА.
- „Анонимус“ на неколку часа го исфрлија од функција и мрежното место на Чешката унија против пиратеријата (ЧПУ), која се занимава со наоѓање и бришење на нелегални копии на филмови на интернет и собирање докази против сторителите на кривичните дела.
- „Анонимус“, извршиле хакерски упад во архивите на француската полиција, при што преземале лични податоци на полициски службеници. Како што објавуваат француските медиуми, по нападот, тие ги објавиле личните податоци на 541 полицаец на мрежно место за размена на содржини. Податоците се состоеле од имињата и презимињата на полицајците, нивните телефонски броеви и адреси на електронската пошта. Информациите биле достапни за јавноста неколку часа, по што биле отстранети од мрежната страница.
- „Анонимус“ објавија дека влегла во околу 70 мрежни места на органите на редот од јужниот и централниот дел на САД поради апсењето на нејзини симпатизери во САД и Велика Британија. Групата тврди дека успеале да украдат околу 10 гигабајти податоци, вклучувајќи пораки, детали од кредитни картички и други важни инфорамции.
- По хакерските напади на „Универзал“ и „Ворнер“, го нападна и мрежното место на меѓународниот медиумски конгломерат „Вивенди“ со седиште во Франција. Мрежното место „Вивенди“ беше прекриен со порака во која компанијата се обвинува за цензура и големо предавство на духот на интернетот, а 15 минути подоцна стана недостапен.
- „Анонимус“ го урна мрежното место на втората најголема берза во САД, Насдак во знак на поддршка за движењето „Окупирај го Волстрит“. Иако претставници на берзата негираат, пристапот до нивното мрежно место е оневозможен а тие не можат да откријат ниту од каде доаѓа нападот ниту на кој начин нивните експерти ќе го решат проблемот.
- Анонимус соопштија дека успеала да прислушкува телефонски разговори помеѓу агенти на американското ФБИ и британскиот Скотланд јард. Со тоа групата повторно пронајде начин да ги посрамоти оние кои се задолжени за нивно спречување со работа и апсење. На Јутјуб тие објавија снимка од конференциски повик меѓу агенти од ФБИ и колеги од британски Скотланд јард, а најинтересно е што полицајците зборувале за тоа како да ги запрат Анонимус. Не е познато како тие го хакирале тој повик веројатно снимен на 20 јануари 2012.
- Анонимус ја нападнале компанијата за вдомување, „Freedom Hosting“, која нуди услуги за повеќе од 40 мрежни места за педофили, меѓу кои и Lolita City, една од најголемите на интернет. Покрај хакнувањето на вдомувачот, Анонимус собрале податоци за 1589 корисници кои се оставени како доказ за надлежните институции. Сите педофилски страници се хостирани на анонимната мрежа Тор, која го менува правецот на трансферот преку скапи волонтерски опслужувач, и на тој начин го отежнува надгледувањето на содржината. Анонимус прво ги отстраниле линковите за детска порнографија, и упатиле порака до „Freedom Hosting“ како предупредување. Кога компанијата не ги послушале, тие целосно ги срушиле нејзините опслужувачи.
Анонимус vs. АКТА
уреди
Повеќе десетици илјади лица, на кои им се приклучуваат и многу европски експерти, правници, новинари и политичари, протестираа на улиците на бројни европски градови, против контроверзниот меѓународен договор за заштита на интелектуалната сопственост на интернет - АКТА, кој, како што сметаат, ќе ја ограничи слободата на користење на мрежата и ќе ја зголеми можноста за контрола на граѓаните. Меѓу првите се собраа критичарите на овој договор во литванската престолнина Вилнус, каде со натписите "Стоп АКТА" пред зградата на Владата протестираа неколку илјади луѓе.
Во Германија протестите против овој договор собраа околу 41.000 лица, а најголемите собири се одржаа во Минхен и во Берлин, каде одделни демонстранти имаа залепен селотејп преку устата. Еден од поголемите протести е одржан во Софија, каде во протестен митинг пред зградата на Владата учествуваа околу 4.000 лица. Завчера и чешките и полските демонстранти ги поддржаа граѓаните на Германија, Австрија, Финска, Франција, Бугарија, Словачка, Хрватска и други земји од Средна и Источна Европа, протестирајќи против антипиратскиот договор АКТА.
Дел од учесниците во овие протести носеа маски на Гај Фокс од филмот "В како Вендета", кои ја симболизираат хакерската група "Анонимус". Европскиот трговски договор АКТА бара построго следење на заштитата на авторските права на интернет и на пазарот на информатичките технологија. Договорот против фалсификувањето и интернет-пиратерија АКТА (Anti-Counterfeiting Trade Agreement) кон крајот на јануари 2012 го потпишаа 22 членки на Европската унија и повеќе други земји во светот, меѓу кои и САД, Јапонија, Швајцарија и Австралија. Ратификација на АКТА во ЕУ треба да се случи 2012 годинава во Европскиот парламент. Меѓутоа, протестите, барем засега, ја одложија ратификацијата на АКТА во Чешка, Германија, Латвија, Полска и Словачка.
По серијата протести на "Анонимус" и нивните приврзаници низ Европа, "Анонимус" го урнаа мрежното место на Меѓународната полициска агенција (Интерпол), само еден ден откако упадна и на мрежното место на американската Централна разузнавачка агенција (ЦИА).
Идеологија, иконографија и естетиката
уреди
Еден од претставниците на Анонимус, со псевдоним Ладнокрвниот (Coldblood), во интервјуто за англискиот весникот Гардијан ја објаснил филозофијата на групата, со следните зборови:
- "Ние сме против корпорациите и владите кои се мешаат во интернетот. Сметаме дека интернетот треба да биде отворен и слободен за сите " [4].
Како киберкултура, естетика на Анонимус е засновани врз различни форми на шок хумор, вклучително и жанрови на надреален и црн хумор. Анонимус го користат мотото: "Ние сме Анонимус. Ние сме Легија. Ние не простуваме. Ние не забораваме. Очекувајте не.” Составен дел од иконографијата на Анонимус е маската на Гај Фокс. Членовите на Анонимус или нивните симпатизери оваа маска ја користат на разните простести низ светот.
Програма LOIC
уредиВо сите свои напади групата Анонимус ја користи програмата LOIC (Low Orbit Ion Cannon) и нејзината наследничка HOIC (High Orbit Ion Cannon) - програми, развиени од Анонимус програмери на порталот 4chan. Целта на програмата е со неа да може да делува дури и човек кој никогаш не се обидел да изврши DDoS напади. Единствено е потребно корисникот на програмата да воведе информации за целта и да почне нападот. Одлика на програмата LOIC е дека таа може да се поврзе со IRC-канал или Twitter, што овозможува да се координира сериозен напад врз опслужувачот.
Извори
уреди- ↑ „Gabriella Coleman on Anonymous“. Brian Lehrer Live. Vimeo. February 9, 2011. Посетено на March 24, 2011.
- ↑ "Анонимус" ја дигнаа Европа на нозе
- ↑ Хакеры мстят за Wikileaks, атакуя Mastercard и Visa
- ↑ „«Вашингтон Пост»: «Уикиликс» и Дългата война в Интернет“. Архивирано од изворникот на 2012-03-04. Посетено на 2012-02-19.
Надворешни врски
уредиИсто така проверете
уреди| „Анонимус (група)“ на Ризницата ? |