Адријано Челентано

Адријано Челентано (италијански: Adriano Celentano; роден на 6 јануари 1938 Милано) — италијански пејач, композитор, глумец, филмски режисер и телевизиски водител.

Животопис

Челентано се родил во Милано. По потекло е од Фоѓа, град во јужната италијанска покраина Апулија, од каде потекнувале неговите родители, кои се доселиле на север за подобра работа и подобар живот.

Бил опседнат со Елвис Присли, и на почетокот на 1950-те години, другите го викале „италијански Елвис“. Во својата рана фаза, бил познат поради тоа што играл исто како Елвис, како хула хоп играч.^[1]^[2] Неговата кариера трае 40 години и во Италија е еден од најхуманите пејачки ѕвезди. Продал милиони плочи, се појавил во бројни ТВ емисии и бројни филмови.

Во подоцнежните години успешно се префрлил на комедијата. Филмовите во кои глумел имале голем одѕив од публиката (посебно во Италија). Филмската критика посебно ја цени неговата глума во филмот Серафино од 1968 година, на режисерот Пјетр Жерми. Се испробал и како филмски режисер, најчесто ги ангажирал глумиците: Орнела Мути, Ереонола Ѓорѓи и својата жена Клаудија Мори.

Снимил 40 албуми, од кои 29 студиски, 8 компилациски и 3 албуми во живо. Најпопуларната песна која ја извел, веројатно е Азуро објавена во 1968 година, која подоцна ја изведувале и многу други музичари. Други негови познати песни се „Soli, Il Tempo Se Ne Va“, „Per Averti“, „Confessa“, итд. Неговата песна Ventiquattromila baci се изведува во познатиот филм „Се сеќаваш ли Доли Бел“ на режисерот Емир Кустурица.