Јулијана Величковска

Јулијана Величковска (родена во 1982 година во Скопје) — македонска писателка, преведувачка и уредничка.

Јулијана Величковска
Родена	Јулијана Величковска 1982 Скопје, Македонија
Занимање	македонска писателка, преведувачка, уредничка.

Животопис

Величковска дипломирала на катедрата за македонска книжевност и јужнословенски книжевности на Филолошкиот факултет „Блаже Конески“ во Скопје. Таа е основачка на издавачката куќа ПНВ Публикации.

Творештво

Величковска е авторка на книгите: монографијата „Дваесет години Поетска ноќ во Велестово“ (2009, ПНВ), поетската збирка „Комарци“ (2010, ПНВ) https://www.goodreads.com/book/show/1..., романот „Годишни времиња“ (2014, ПНВ Публикации) и стихозбирката „Отворена книга“ (2017, ПНВ Публикации)

Нејзиниот роман „Годишни времиња“ во април 2017 г. бил објавен и на бугарски јазик од издавачот „Ерго“ од Софија.

Застапена е во неколку антологии на македонската современа поезија издадени во Македонија, во Србија, во Чешка, во Грција, во Италија и во Колумбија, во две антологиии на современата светска поезија, едната издадена во Кина, а другата во Албанија, како и во две антологии на куси раскази, објавени во Македонија. Три нејзини кратки раскази се застапени во антологијата на македонскиот краток расказ, „Џинџуџе во земјата на афионите“ (Темплум, 2022).

Таа е членка на организацискиот одбор на поетската манифестација „Поетска ноќ во Велестово“ – Охрид. Член е на Друштвото на писатели на Македонија. Основач е на издавачката куќа ПНВ Публикации од Скопје. Соосновач е на Скопскиот поетски фестивал.

Јулијана Величковска има преведено околу 20 поетски збирки:

• „Ќерката на надреалистот“ од Кристиина Ехин, раскази (од англиски јазик) – ПНВ Публикации, 2012 г.
• „Мртво море меѓу нас“ од Жељко Миловиќ, поезија (од црногорски јазик) – ПНВ Публикации, 2013 г.
• „Со други очи“ од Одвиг Клив, поезија (од англиски јазик) - ПНВ Публикации, 2013 г.
• „Никој не знае“ од Патрик Котер, поезија од англиски јазик) - ПНВ Публикации, 2014 г.
• „Талкање пред зори“ од Сејди Марфи и Илмар Лехтпере, поезија (од англиски јазик) - ПНВ Публикации, 2014 г.
• „Единаесет ирски поети“ Избор од современата ирска поезија (од англиски јазик) - ПНВ Публикации, 2016 г.
• „Сплесканиот зајак“ од Бардур Оскарсон, илустрирана книга за деца (од англиски јазик) - ПНВ Публикации, 2019 г.
• „Жалба до Музата“ од Џери Марфи, поезија (од англиски јазик) - ПНВ Публикации, 2019 г.
• „Човекот што зборуваше змиски“ од Андрус Кивирахк, роман (од англиски јазик) - ПНВ Публикации, 2019 г.
• „Дрвото“ од Бардур Оскарсон, илустрирана книга за деца (од англиски јазик) - ПНВ Публикации, 2020 г.
• „Достава до дома“ од Сигурбјорг Прастардотир, поезија (од англиски јазик) - ПНВ Публикации, 2020 г.
• „Бездомни песни“ од Илмар Лехтпере, поезија (од англиски јазик) - ПНВ Публикации, 2020 г.
• „Шумата почнува тука“ од Сергеј Тимофеев, поезија (од руски јазик) - ПНВ Публикации 2020 г.
• „Коронавирус хроники“ од Лаура Фиск, поезија (од англиски јазик) - ПНВ Публикации 2020 г.
• „Дождовниот мост“ од Дерек Махон, книга за деца (од англиски јазик) - ПНВ Публикации 2020 г.
• „Ерато“ од Дерин Рис-Џоунс, поезија (од англиски јазик) - ПНВ Публикации 2021 г.
• „Каква полза има човек од тоа едно утро да се разбуди на оваа страна од новиот милениум“ од Ким Симонсен, поезија (од англиски јазик) - ПНВ Публикации 2021 г.
• „Жолтата куќа“ од Вилијам Вол, поезија (од англиски јазик) - ПНВ Публикации 2021 г.
• „Смртта е наследна“ од Ервин Јахиќ, поезија (од хрватски јазик) - ПНВ Публикации 2021 г.
• „Слободата чекори гола“ од Марам ал-Масри, поезија (од англиски јазик) - ПНВ Публикации 2021 г.
• „Боиште на зборови“ од Станко Крњиќ, поезија (од хрватски јазик) - ПНВ Публикации 2021 г.
• „ВОСТОРГ - избор од современата ирска поезија / RAPTURE – A Selection of Contemporary Irish Poetry“, поезија (од англиски јазик) - ПНВ Публикации 2021 г.

Нејзините песни се препеани и објавени на дваесетина светски јазици, меќу кои: англиски, италијански, германски, шпански, кинески, грчки, чешки, албански, турски и др.

Учествувала на бројни поетски читања низ Македонија и Европа:

• Струшки вечери на поезијата – 2009, 2010, 2011, 2012, 2013 и 2016 г.
• „Песнило“ – Младински културен центар – 2011 г.
• Cork Spring Literary Festival – Ирска, 2011 г.
• XV Биенале на млади уметници од Европа и Средоземјето во Рим, 2011 г.
• Бела ноќ – Скопје, 2013 г. и 2014 г.
• Астални проекции – Менада, 2014 г. и 2016 г.
• Денови на младата македонска проза - Софија, 2015 г.
• Барски летопис, самостојна книжевна вечер, Бар, 2015 г.
• СУР - Стих у регији, Загреб, 2015 г.
• Самостојна книжевна вечер во Американскиот универзитет во Благоевград, Бугарија, 2016 г.
• Софија: Поетики 2018 - Софија, Бугарија, 2018 г.
• 13. Меѓународен истанбулски фестивал за поезија и литература 2021 г.