Јоже Хумер
Јоже Хумер (24 јуни 1936 – 13 јуни 2012 година) ― словенечки композитор, хорски мајстор, текстописец, преведувач и културен организатор.[1]
Историја уреди
Бил роден во Марибор. Тој ја посетувал месната гимназијата, а потоа студирал и дипломирал право.[2] Тој го основал Камерниот хор „Љубљански мадригалисти“ и го предводел Академскиот хор „Тоне Томшич“ и Октетот „Галус “ во Љубљана. Бил претседател на Љубљанската музичка младина, обновувач на Љубљанското музичко друштво и претседател на Сојузот на културни организации на Словенија. Напишал и превел стотици либрета и други стихови за деца, хорови и солисти. За својата работа во 1999 година го добил Златниот медал на Словенечкиот јавен фонд за културни дејности.[2] Тој исто така бил судија, секретар на Врховниот суд на Словенија,[2] и вклучен во правните и организациски аранжмани во областа на културата во 1980-тите и за време на отцепувањето на Словенија од Југославија.[1] Подоцна, како стручњак соработувал со словенечкиот Уставен суд.[3] Во март 2012 година, тој бил одликуван од словенечкиот претседател Данило Тирк со Орден за заслуги на Словенија, со образложение што го опишало како „натпросечно заслужна личност на словенечкиот културен живот“.[1]
Наводи уреди
- ↑ 1,0 1,1 1,2 „Predsednik Türk je odlikoval kulturniškega aktivista Humra in vsestranskega Jurgca“ [The President Türk Decorated the Cultural Activist Humer and the Versatile Jurgec]. MMC RTV Slovenija (словенечки). RTV Slovenija. 16 март 2012.
- ↑ 2,0 2,1 2,2 „Priznanja sklada za leto 1999: Jože Humer“ [1999 Recognitions of the Fund: Jože Humer] (Slovenian). Посетено на 15 октомври 2022.CS1-одржување: непрепознаен јазик (link)
- ↑ „Umrl je Jože Humer, glasbena duša in strasten kulturni delavec“ [Jože Humer, Musical Soul and Passionate Cultural Worker, Has Died]. MMC RTV Slovenija (Slovenian). RTV Slovenija. 13 јуни 2012.CS1-одржување: непрепознаен јазик (link)