Јадранка Владова
Јадранка Владова (Скопје, 20 април 1956 - Скопје, 11 декември 2004) — македонска универизитетска професорка, писателка, критичарка, антологичарка, преведувачка и учебникар.[1]
| Јадранка Владова | ||
| Родена | 20 април 1956 Скопје,  Македонија
| |
|---|---|---|
| Починала | 11 декември 2004 Скопје | |
Биографија уреди
Владова е родена во Скопје на 20 април 1956 година. На Филолошкиот факултет во Скопје ги предавала предметите Светска литература и Литература за деца. Автор е на следните книги: Скарбо во мојот двор, (1986); Воден знак, (1990); Измислување на светот, (1991); Мојот пријател А. (1992); Девојчето со две имиња (1993 и 2001); Волшебноста на зборот (1994); Гледалото зад огледалото (1999); Деца како мене (во соавторство со фотографот Владимир Тодоров), 2000 (Македонска верзија на изданието на UNICEF – Children just like me); Куќа, (2001); Учебник по македонски јазик за I година гимназија (ПЕКСНАС), 1997; Македонско-чешки речник (со група чешки соработници), 1998; Основи на демократијата за I одделение (2000); Пристап кон лирската песна за основното образование (2000); Читанка за петто одделение (2001); Македонски јазик и литература за петто одделение (2001); Македонски јазик и литература за шесто одделение (2001); Детска литература (2001); Mein Freund A., 2001 (превод на германски: Барбара Утевска и Ана Корженска) Преводи: Борис Билетиќ: Машки врисок (превод од хрватски јазик), 1987; Ристо Јачев: Заточеник на мракот (препев на српски јазик), 1996; Јордан Радичков: Ние, врапчињата (превод од бугарски јазик), 2000 и 2001.[2]
Починала во Скопје на 11 декември 2004 година.