Vandal (музичка група)
Vandal (кирилично: Вандал) — македонски треш метал бенд формиран во Куманово. Основан е во 2006 година, од страна на басистот Горан Митковски и поранешниот тапанар Драган. Подоцна на бендот му се приклучиле гитаристот Дамјан Милановски и вокалот Бојан Стојановски - Шваба. На почетокот овој музички квартет свирел песни од постарите треш состави како Металика, Пантера и Слеер.[1]
| Vandal | |
|---|---|
 Членовите и логото на бендот | |
| Животописни податоци | |
| Потекло | Куманово, Македонија |
| Жанрови | Треш метал, хеви метал |
| Период на активност | 2006-денес |
| Издавачи | Непотпишани |
| Соработници | Serpentine Fire, Victim Yield, Furion, Scattered |
| Членови | |
| Бојан Стојановски Дамјан Милановски Ненад Вељковиќ Горан Митковски Андреј Мициќ | |
Првата песна во нивно авторство се вика „World’s Reflection“, а по неа следеле многубројни настапи по клубовите ширум Македонија. Набргу во бендот се приклучил и Ненад Вељковиќ како петтиот и најнов член. Во меѓувреме дотогашниот тапанар Драган си заминал, а на негово место пристапил Андреј Мициќ, чиј музички стил се одликува со доста брзи ритми и агресивно музицирање.[2]
Нивните текстови имаат разновидна тематика, но најчести се оние кои ги обработуваат секојдневните социјални проблеми и прашањата како што се војната и смртта. Нивното прво издание е демото Execute the throne, кое содржи пет нумери на англиски јазик.[3]
Имаат настапувано на повеќе официјални музички фестивали и манифестации, од кои поважни се: Мораториум 3, фестивалот „Дојди веслај 2007“, како и „Рок Фест 2008“ каде го освоиле првото место според гласовите на публиката.[4][5] Во моментов бендот работи на нов материјал и се подготвува за поголеми и поамбициозни проекти.
Наводи
уреди- ↑ „Бендови - Vandal“. Метал.мк. 15 декември 2009. Архивирано од изворникот на 2011-10-29. Посетено на 30 март 2013.
- ↑ „Македонската „Металика" се вика „Вандал"“. MKD.mk. Архивирано од изворникот на 2012-08-15. Посетено на 31 март 2013.
- ↑ „Треш-метал масакр во Кастро“. Плагијат. 16 јануари 2007. Архивирано од изворникот на 2016-03-05. Посетено на 31 март 2013.
- ↑ „Vandal's Biography - Discover Music“. Last.fm. 15 декември 2009. Посетено на 30 март 2013.
- ↑ Димитар Петровски (30 март 2008). „Победа на „Некст џенерејшн" и на „Вандал"“. Дневник. Посетено на 31 март 2013.[мртва врска]
Надворешни врски
уреди | Оваа статија музичка група или друг вид ансамбл е никулец. Можете да помогнете со тоа што ќе ја проширите. |