Crassula muscosa

Crassula muscosa
	Crassula muscosa var. accuminata
Научна класификација
Царство:	Растенија
Ред:	Каменоломковидни
Семејство:	Crassulaceae
Род:	Crassula
Вид:	C. muscosa
Научен назив
	Crassula muscosa; Л.
Синоними
	Crassula lycopodioides; Crassula pseudolycopodioides

Crassula muscosa, синоними Crassula lycopodioides^[2] и Crassula pseudolycopodioides, ― сочник кој потекнува од Јужна Африка и Намибија, припаѓа на семејство Crassulaceae и на родот Crassula. Тоа е собно растение кое се одгледува низ целиот свет.

Етимологија уреди

Научните и народните имиња се однесуваат на неговиот изглед: muscosa потекнува од латинскиот збор muscosus, што значи „мовест“. Lycopodioides, потекнува од мовот Lycopodium, и од грчките зборови „Λύκος“ (ликос, волк), „πόδι“ (поди, стапало ) и „οειδής“ (оидис, -оид, слично на).

Опис уреди

Crassula muscosa има многу мали, светло зелени листови кои се густо набиени околу тенко стебло, а распоредот на листовите околу стеблото им дава квадратен облик.^[1] Расте како грмушка со многу мали жолто-зелени цветови, со максимална висина од 15–20 цм.

Распространетост и живеалиште уреди

Crassula muscosa потекнува од Јужна Африка (Кејпските Покраини, Фри Стејт и Северните Покраини) и Намибија.^[3] Расте во средини со умерен степен на влажност, во кои почвата е добро исцедена и составена од плодна почва и песок.

Одгледување уреди

За време на студената сезона, поднесува пад на температурата до минимум 6-8 °C, кога му е потребно малку вода. Во летниот период, му треба многу повеќе вода и не треба да се изложува на директно сонце, бидејќи страда на прекумерна сончева светлина. Кога овие услови не се исполнети, растението почнува да се суши и вкочанува, најчесто почнувајќи од основата на стеблото до врвовите. Тоа е инвазивен вид и лесно се размножува од делови на стеблото. Ако во околината се одржува стабилна температура од 20-21 °C, со соодветна влажност и осветленост, исечениот дел се вкоренува и расте брзо.