Чешка (историска област)

Чешка (чеш. Čechy) или Бохемија (лат. Bohemia од герм. Böhmen) е историска област во Средна Европа, која се протега на западниот и централниот дел од денешна Чешка Република. Понекогаш „Чешка“ се користи да се означи и целата територија на Чешка, вклучувајќи ги и Моравија и Чешка Шлеска, особено во историски контекст како што е Кралството Чешка (Бохемија).

Чешка Čechy, Böhmen
историска област
Знаме Грб
Земја	Чешка
Главен град	Прага (историски)
Површина	52,065 км2
Население	~ 6 милиони
Местоположба на областа Чешка Местоположба на областа Чешка

Областа Чешка има вкупна површина од 52.065 км² и денес е дом на околу 6 милиони од вкупно 10,3 милиони жители во државата. На југозапад, запад и северозапад се граничи со Германија, на североисток со Полска, на исток со Моравија и на југ со Австрија.

Потекло на поимот

Во 2 век п.н.е, Римјаните биле фокусирани кон доминирање на северна Италија, каде имало различни племиња, а меѓу кои и Боите, келтско племе. Боите биле поразени од страна на Римјаните во 194 и 193 година и тоа резултирало со повлекивање на боиското население северно од Алпите.

Новата територија која ја населиле Боите од страна на Римјаните била наречена Boihaemum, а најстар запис за името е во книгата „Германија“ од Такитиј. Така, зборот е составен од зборот за народот „Бои“ и зборот „хајм“ (xaim- - „дом“) што во превод значи „дом на Боите“. Изворно, Чешка ја опфаќала денешна Јужна Чешка и делови од Баварија и Австрија.

Чешка како мотив во уметноста

• „Во Бохемија“ — симфониска поема на рускиот композитор Милиј Балакирјев.

Поврзано

• Чешка Република
• Моравија
• Чешка Шлеска
• Германска Чешка

Надворешни врски

• Чешка (Бохемија) Архивирано на 13 септември 2009 г.