Чандарли Халил Хајредин-паша

Чандарли Кара Халил Хајредин-паша бил прв голем везир (со тој назив) на Османлиското Царство во времето на Мурат I.

Чандарли Кара Халил Хајредин Паша
Голем везир
На должноста септември 1364 – јануари 1387
Монарх	Мурат I
Претходник	Синанудин Факих Јусуф-паша
Наследник	Чандарли Али-паша
Лични податоци
Починал(а)	22 јануари 1387
Вероисповед	ислам

Најпрвин работел како кадиаскер (воен судија) до 1364 година кога бил поставен за голем везир и на оваа позиција се задржал до 1387 година станувајќи везир со најдолг мандат во османлиската администрација. Исто така се смета дека бил иницијатор за девширме, односно данокот во крв преку одземање на млади христијански момчиња од новите освоени територии, нивна обука и нивно вклучување во административното управување. Хајредин Паша бил наследен од страна на неговиот син Чандарли Али-паша. Другиот негов син Ибрахим исто така подоцна станал голем везир. Во периодот од 1360 до 1453 година неговата фамилија имала огромна моќ во османлиската администрација.