Википедија

Црква „Успение на Пресвета Богородица“ - Велестово

црква во селото Велестово

Успение на Пресвета Богородица (во селото позната и како Пресвета Богородица Пречиста) — главна селска црква во охридското село Велестово.[1]

Успение на Пресвета Богородица

Поглед на црквата

македонска православна црква
Епархија Дебарско-кичевска
Архијерејско намесништво Охридско
Парохија Деветта охридска
Местоположба

Карта

Координати 41°4′59.69″N 20°49′41.52″E / 41.0832472° СГШ; 20.8282000° ИГД / 41.0832472; 20.8282000
Место Велестово
Општина Охрид
Држава Македонија
Општи податоци
Покровител Пресвета Богородица
Изградба XV век
Живопис 1444-1451
Архитектонски опис
Архит. тип еднокорабна

Историја

уреди

Црквата потекнува од XV век.[2]

Архитектура

уреди

Црквата претставува мала еднокорабна градба со полукружен свод и тространа апсида. Била изградена од кршен и делкан камен.[3]

Во кругот на црквата се наоѓаат менза и селските гробишта.

Фрескоживопис

уреди

Живописот во црквата е изведен во две фази. Едната, според натписите (на старословенски јазик) започнала да се изведува во 1444 година, додека втората во 1451 година. Двете фази на сликањето на живописот се издвоени. Зографот што ја работел првата фаза се покажува како доста зрел, што не може да се каже за авторот што ја работел втората фаза. Фреските целосно го презентираат трендот што владеел во времето на османлиското присуство во Македонија.[3]

Во еден натпис што се наоѓа, од 1451 година, се споменува охридскиот архиепископ Никола во чие време е извршено живописувањето на црквата. Интересно е да се напомене дека нема други извори во кои се споменува дека на чело на Охридската црква бил архиепископот Никола.[3] Во натписот исто така е запишано место со име Глогово, кое веројатно било некогашно село на Галичица.

Фреските добиле нов слој на слики, но бил почитуван стариот распоред на претставите и целината останала ненарушена. Била конзервирана и заштитена во 1966 година, кога биле откриени и двата натписа на старословенски јазик.[4]

Галерија

уреди
Надворешноста
  •  
    Напис во црквата
  •  
    Портата
  •  
    Придружен објект до црквата
  •  
    Влезот во црквата
  •  
    Апсидата
  •  
    Поглед на црквата
  •  
    Камбанаријата
  •  
    Спореден влез
  •  
    Селските гробишта
Внатрешноста
  •  
    Икони пред главниот влез
  •  
    Припратата
  •  
    Припратата
  •  
    Иконостасот
  •  
    Живописот
  •  
    Натпис над влезот

Поврзано

уреди

Наводи

уреди
  1. ↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 44. ISBN 978-608-65143-2-7.
  2. ↑ „Дебарско-кичевска епархија - Намесништва“. www.dke.org.mk. Посетено на 2020-01-01.
  3. ↑ 3,0 3,1 3,2 „архивска копија“. Архивирано од изворникот на 2010-10-06. Посетено на 2011-01-13.
  4. ↑ „Црквата Успение на Света Богородица, с. Велестово“. www.macedonium.org. Посетено на 2020-01-01.

Надворешни врски

уреди
Преземено од „https://mk.wikipedia.org/w/index.php?title=Црква_„Успение_на_Пресвета_Богородица“_-_Велестово&oldid=5157929“