Црква „Св. Никола“ - Добромири

Свети Никола или Свети Талалеј – главна селска црква во селото Добромири.

Свети Никола/Свети Талалеј
Поглед на црквата
македонска православна црква
Епархија	Преспанско-пелагониска
Архијерејско намесништво	Битолско
Парохија	Новачка
Местоположба
Координати	41°04′07.7″N 21°27′13.4″E
Место	Добромири
Општина	Новаци
Држава	Македонија
Општи податоци
Покровител	Свети Никола/Свети Талалеј
Завршено	1886 1926 (обновена) 1951 (обновена)
Живопис	2001
Архитектонски опис

Местоположба

Црквата е сместена во непосредна близина на сретселото.

Историја

Црквата била изградена во 1886 година, по што била разрушена и обновена во 1926 година, а дообновена во 1951 година. Внатрешноста била зографисана во 2001 година.

Архитектура

Градбата на црквата е правоаголна со полукружна апсида на источната страна. Главниот влез на црквата е сместен на западната страна. Храмот има и спореден влез на јужната страна над којшто има ниша со застаклена фреска на којашто е прикажан Свети Талалеј. Непосредно пред главниот влез на црквата се издига камбанаријата којашто во горниот дел има по една отворена монофора на секоја страна. Внатрешноста на храмот е делумно зографисана, а во горните делови од ѕидовите се закачени ѕвезди, што ја симболизира небесната шир. Иконостасот има еден ред со икони над ѓаконските порти и царските двери, но бројни икони се закачени и во неговите долни делови.

Во дворот на црквата се наоѓаат селските гробишта и помошен објект.

Галерија

• 
  Поглед на црквата
• 
  Главниот влез
• 
  Споредниот влез
• 
  Апсидата
• 
  Камбанаријата
• 
  Внатрешноста
• 
  Селските гробишта

Поврзано

• Добромири
• Преспанско-пелагониска епархија
• Битолско архијерејско намесништво
• Новачка парохија

Надворешни врски

• Црква „Св. Никола“ - Добромири на Ризницата ^?