Црква „Св. Никола“ - Вранче

Свети Никола — главна селска црква во селото Вранче.

Местоположба
Свети Никола

Поглед на црквата
македонска православна црква
Епархија	Преспанско-пелагониска
Архијерејско намесништво	Прилепско
Парохија	Ропотовска

Координати	41°23′36″N 21°22′25″E / 41.39333° СГШ; 21.37361° ИГД / 41.39333; 21.37361
Место	Вранче
Општина	Долнени
Држава	Македонија
Општи податоци
Покровител	Свети Никола
Изградба	1874
Архитектонски опис

Историја

Црквата „Св. Никола“ е изградена 1874 година, датум што стои над влезната врата од западната страна, на којашто се наоѓа фреска на ѕидот со Богородица која во своите раце го држи Исус Христос. Црквата има уште една, помала врата, која се наоѓа на јужната страна. Над оваа врата се наоѓа претставата на Св. Никола. Црквата претставува еднокорабна градба, со петтострана аписида од надвор и галерија на кат на западната страна. На западната страна има и трем, до кој се наоѓа камбанарија.^[1]

Градител бил Петре Дебранец (Дебрели), која и ја живописал црквата заедно со неговиот син Глигур Дебранин. Црквата била реставрирана 1926 година од Милан М. Дукиќ од мијачкото Осој. Во црквата има повеќе икони потпишани од познатиот прилепски сликар Адамче Зограф (Адамче Најдов, Адамче Јанов, Адамче живописец). Исто така, своевремено поседувала богата библиотека со црковни книги. Најголемиот дел од нив биле донесени за потребите на месното население од Русија во XIX век.

Денес во дворот на црквата има два гроба. Едниот е пред самиот влез на црквата од западната страна, но е оштетен и нечитлив. Вториот, означен само со еден камен, според усните кажувања на селаните му припаѓа на Велјан Ковилоски.^[2] Според Археолошката карта на Македонија, црквата Св. Никола во Вранче е означена и како археолошко наоѓалиште, при што е наведено дека пред влезот во истата, од западната страна се наоѓаат повеќе антички споменици од мермер, и тоа надгробни стели, делови од стебла на столбови и друго.^[3]

На надворешната страна од запад, над тремот е поставена камена плоча со која се соопштува дека покојните Блашко и Васил Трајкови подариле два камени диреци за камбанаријата.

Црквата „Св. Никола“ во Вранче е една од поголемите селски цркви во околината на Прилеп, која потекнува од XIX век.

Галерија

Напис над вратата од јужната страна за градењето на црквата
Камена плоча од Блашко и Васил Трајкови од 1913 година

Поврзано

Наводи

↑ Ангелески, Златко (април 2017). „Ропотовска парохија (прв дел)“. Вистина: гласник на Преспанско-Пелагониската епархија. 93: 27.
↑ Ковилоски, Славчо (2011). Ракописи од село Вранче, Прилепско (евидентирање на делата). Скопје: Академски печат. стр. 3–6. ISBN 978-608-231-034-3. Проверете ја вредноста |isbn=: invalid character (help).
↑ Коцо, Димче (1996). Археолошка карта на Република Македонија. II. Скопје: Македонска академиjа на науките и уметностите. ISBN 9989649286. Проверете ја вредноста |isbn=: invalid character (help).

Надворешни врски

Црква „Св. Никола“ - Вранче на Ризницата ^?

[1] Ангелески, Златко (април 2017). „Ропотовска парохија (прв дел)“. Вистина: гласник на Преспанско-Пелагониската епархија. 93: 27.

[2] Ковилоски, Славчо (2011). Ракописи од село Вранче, Прилепско (евидентирање на делата). Скопје: Академски печат. стр. 3–6. ISBN 978-608-231-034-3. Проверете ја вредноста |isbn=: invalid character (help).

[3] Коцо, Димче (1996). Археолошка карта на Република Македонија. II. Скопје: Македонска академиjа на науките и уметностите. ISBN 9989649286. Проверете ја вредноста |isbn=: invalid character (help).

[1]

[2]

[3]