Црква „Св. Никола“ - Беловодица

Свети Никола — црква во селото Беловодица.^[1] Сместена е во југоисточниот дел од селото, на височина која и овозможува доминантна положба во однос на остатокот од селото.

Местоположба
Свети Никола

Поглед на црквата
македонска православна црква
Епархија	Преспанско-пелагониска
Архијерејско намесништво	Прилепско
Парохија	Плетварско-беловодичка

Координати	41°20′08.1″N 21°42′16.1″E / 41.335583° СГШ; 21.704472° ИГД / 41.335583; 21.704472
Место	Беловодица
Општина	Прилеп
Држава	Македонија
Општи податоци
Покровител	Свети Никола
Завршено	1885
Архитектонски опис

Историја

Црквата била изградена и живописана во 1885 година.^[2]

Архитектура

Градбата на црквата претставува трикорабен храм со полукружна апсида на источната страна која е украсена со пет слепи ниши. Црквата содржи галерија на кат која се наоѓа во западниот дел.^[2] Влезот е од западната страна и над него има ниша со фреска на која е насликан Свети Никола.

Многу од иконите во црквата се дело на мајсторот Ефтим Спасов. Иконата на Богородица со димензии 92 × 63 см е потпишана со натписот „Из руки го Ефтим Спасовичъ Зографъ от Гари 1885“.^[3]

Во дворот на црквата се сместени камбанаријата, помошен објект и селските гробишта. Камбанаријата е сместена непосредно пред влезот на црквата од десната страна. Таа има квадратна основа и се состои од два дела, од кои горниот има незначително помала основа. Обата дела имаат по еден залачен отвор на секоја страна.

Галерија

Западната страна на црквата
Апсидата на црквата
Камбанаријата
Селските гробишта
Помошен објект во дворот на црквата
Фреска на Богородица Ширшаја
Фреска на Христос Седржителот

Поврзано

Наводи

↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 20. ISBN 978-608-65143-2-7.
↑ ^2,0 ^2,1 „Црква „Свети Никола“, село Беловодица“. OldPrilep. 17 април 2012.
↑ Словенските просветители Кирил и Mетодиј во делата на македонските иконописци од XIX век. – В: Симпозиум 1100-годишнина од смртта на Кирил Солунски. II, 23-25 мај 1969, Радмила Угринова-Скаловска (главен уредник). Скопје: Македонска академија на науките и уметностите. 1970. стр. 57.

Надворешни врски

Црква „Св. Никола“ - Беловодица на Ризницата ^?

[1] Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 20. ISBN 978-608-65143-2-7.

[oldprilep-2] 2,0 ^2,1 „Црква „Свети Никола“, село Беловодица“. OldPrilep. 17 април 2012.

[3] Словенските просветители Кирил и Mетодиј во делата на македонските иконописци од XIX век. – В: Симпозиум 1100-годишнина од смртта на Кирил Солунски. II, 23-25 мај 1969, Радмила Угринова-Скаловска (главен уредник). Скопје: Македонска академија на науките и уметностите. 1970. стр. 57.

[1]

[2]

[3]