Црква „Св. Илија“ - Клисели
Свети Илија (грчки: Προφήτη Ηλία) — црква во селото Клисели, Лагадинско, Егејска Македонија. Влегува во состав на Лагадинско-ајватовско-рендинската епархија на Цариградската патријаршија.[1]
| Свети Илија | |
|---|---|
| Προφήτη Ηλία | |
 | |
| 40°41′19.20″N 23°16′32.61″E / 40.6886667° СГШ; 23.2757250° ИГД | |
| Место | Клисели, Лагадинско |
| Земја | Егејска Македонија, Грција |
| Вероисповед | Цариградска патријаршија |
| Архитектура | |
| Архит. тип | трикорабна базилика |
| Завршена | XX век |
| Управа | |
| Архијерејско намесништво | Рендинско |
| Епархија | Лагадинско-ајватовско-рендинска |
Црквата е гробишен храм во северозападниот дел на селото. Изграден е во XX век врз темелите на постара црква со истото име. Во 1926 г. селото е преименувано во Профитис („Пророк“) во чест на светецот. Внатре се зачувани вредни предмети од стариот храм — 55 преносливи икони, едни царски двери, украсно плато на дверите, 6 литургиски предмети и 30 старопечатени книги. Иконите се од XVIII и XIX век. Некои од нив се потпишани од познати зографи како Маргарит Ламбу од погрченото солунско село Кулакија. Меѓу книгите се издвојуваат две евангелија со сребрена опкова и еден неделник. Во некои од книгите има приписки како стиховите на извесен поп Атанас, кои имаат книжевна вредност.[1]
Поврзано уреди
Наводи уреди
- ↑ 1,0 1,1 Μακροπούλου, Δέσποινα, Κωνσταντίνος Κατσίκης (2014). Κειμηλιακό Απόθεμα σε Ναούς της περιφέρειας Θεσσαλονίκης από τον 16ο ως τον 20ο αιώνα. Φορητές Εικόνες, Λειτουργικά Αντικείμενα, Παλαίτυπα και Χειρόγραφα Βιβλία, Τεύχος 1 (PDF). Θεσσαλονίκη: Στοά των Επιστημών - Ακαδημία Θεσμών και Πολιτισμών. Βυζαντινή Μακεδονία και Θράκη. стр. XXXIII. Архивирано од изворникот (PDF) на 2018-06-12.